હૈદરાબાદ: બોલિવૂડ એક્ટર ગોવિંદા અને તેની પત્ની સુનીતાના છૂટાછેડાના સમાચાર આ દિવસોમાં જોર પકડી રહ્યા છે. પરંતુ આ અંગે બંને તરફથી કોઈ સત્તાવાર નિવેદન આવ્યું નથી. હાલમાં જ ગોવિંદાના વકીલ અને મેનેજરે ખુલાસો કર્યો હતો કે, સુનીતાએ 6 મહિના પહેલા ગોવિંદાથી છૂટાછેડા માટે અરજી કરી હતી. ચાલો જાણીએ આગળ શું થયું.
સુનીતાએ 6 મહિના પહેલા છૂટાછેડા માટે અરજી કરી હતી
ગોવિંદા-સુનીતાના છૂટાછેડાની અફવાઓ ફરતી થયાના એક દિવસ પછી, અભિનેતાના વકીલે ખુલાસો કર્યો કે સુનીતાએ 6 મહિના પહેલા છૂટાછેડા માટે અરજી કરી હતી. પરંતુ પછીથી વસ્તુઓ સારી થઈ અને દંપતી આગળ વધ્યું. તેણે કહ્યું, 'અમે નવા વર્ષ પર નેપાળ ગયા હતા અને પશુપતિનાથ મંદિરમાં પૂજા પણ કરી હતી. તેમની વચ્ચે બધુ બરાબર છે, દરેક કપલ વચ્ચે નાની-મોટી સમસ્યાઓ સર્જાતી રહે છે. તે પણ તેમની વચ્ચે આવી હતી પરંતુ હવે તેઓ આ બધું છોડીને આગળ વધી ગયા છે.
એડવોકેટ બિંદલે એ વાતનો પણ ઇનકાર કર્યો હતો કે, ગોવિંદા અને તેની પત્ની અલગ એપાર્ટમેન્ટમાં રહે છે. તેણે જણાવ્યું કે, સાંસદ બન્યા બાદ ગોવિંદાએ એક બંગલો ખરીદ્યો હતો જે તેના ઘરની બરાબર સામે છે. કેટલીકવાર તેઓ બંગલામાં મીટિંગમાં જાય છે અને ત્યાં સૂઈ પણ જાય છે, પરંતુ સુનીતા અને ગોવિંદા સાથે રહે છે અને અલગ નથી.
સુનિતાના કારણે અફવાઓ ફેલાઈ?
આ વિશે IANS સાથે વાત કરતા ગોવિંદાના મેનેજરે ખુલાસો કર્યો કે, સુનીતાએ પબ્લિસિટી સ્ટંટના કારણે છૂટાછેડાની અફવા ફેલાવી છે. ગોવિંદા ખૂબ જ સરળ વ્યક્તિ છે અને તે પોતાના પરિવારનું ધ્યાન રાખવામાં કોઈ કસર છોડતો નથી. તેણે કહ્યું, 'હા સુનીતાએ કોર્ટને કાનૂની નોટિસ મોકલી છે પરંતુ તે શું છે તે અંગે કોઈ નક્કર માહિતી નથી. ઉપરાંત, આ નોટિસ હજુ સુધી અમારા સુધી પહોંચી નથી. મેનેજરે જણાવ્યું કે સુનીતા છેલ્લા કેટલાક દિવસોથી ગોવિંદા વિશે અજીબોગરીબ વાતો કરી રહી છે, જેના કારણે આ સમાચારે વધુ વેગ પકડ્યો છે. જેમ કે તેણે કહ્યું કે તેણે ગોવિંદાને ડાન્સ શીખવ્યો છે. ગોવિંદા મોટાભાગનો સમય બંગલામાં રહે છે અને તેના પરિવારનું સંપૂર્ણ ધ્યાન રાખે છે.
ગોવિંદાએ 1987માં સુનીતા આહુજા સાથે લગ્ન કર્યા, બીજા જ વર્ષે પુત્રી ટીનાનો જન્મ થયો અને 1997માં પુત્ર હર્ષવર્ધનનો જન્મ થયો.
આ પણ વાંચો:
