Karimganj fir incident: কৰিমগঞ্জত অগ্নিকাণ্ড, জাহ গ’ল ব্যৱসায়িক প্ৰতিষ্ঠানসহ বাহন

কৰিমগঞ্জ, 7 আগষ্ট: কৰিমগঞ্জৰ বাৰইগ্ৰাম'ত ৰহস্যজনক অগ্নিকাণ্ডৰ ঘটনা ৷ সোমবাৰৰ পুৱতি নিশা কাঁঠালগুল গাঁৱৰ সুমিত দে'ৰ মালিকানাধীন ব্যৱসায়িক প্ৰতিষ্ঠানত জুইৰ লেলিহান শিখা প্ৰত্যক্ষ কৰে স্থানীয় লোকে । ঘটনাৰ পিছত স্থানীয় ৰাইজে অগ্নি নিৰ্বাপক বাহিনীক খবৰ দিয়ে । কিন্তু অগ্নিনিৰ্বাপক বাহিনীৰ গাড়ী ঘটনাস্থলীত উপস্থিত হোৱাৰ পূৰ্বে দোকানখনৰ সমান্তৰালকৈ বাহন দুখন জ্বলি ভস্মীভূত হয় । 

অগ্নিকাণ্ডৰ ফলত অপু লাল নমঃশূদ্ৰৰ AS 10 F 1763 নম্বৰৰ Alto আৰু তেওঁৰ কনিষ্ঠ ভাতৃৰ মালিকানাধীন AS 10 AC 8730 নম্বৰৰ টেম্পো বাহনখন জ্বলি ভস্মীভূত হয় । উল্লেখ কৰিবলগীয়া বিষয় যে, বন্ধ দোকানৰ ভিতৰত বিগত বহু দিনৰ‌ পৰাই অপু লাল নমঃশূদ্ৰই বাহন দুখন সুমুৱাই ৰাখিছিল বুলি স্থানীয় লোকে জানিবলৈ দিয়ে । 

ৰহস্যজনক এই অগ্নিকাণ্ডৰ কাৰণ বাতৰি প্ৰস্তুত কৰাৰ পৰলৈকে পোহৰলৈ অহা নাই ৷

লগতে পঢ়ক : Public singer Gaddar passed away: গীতেৰে শত সহস্ৰজনক উদ্বুদ্ব কৰা গণশিল্পী গড্ডৰৰ মৃত্যু