বহুলোকে প্ৰায়ে ব্ৰেকফাষ্টত ওটছ অন্তৰ্ভুক্ত কৰে । আন ভাষাত ওট বুলিও কোৱা হয় আৰু বহু ভাৰতীয়ই ইয়াক দেশী ষ্টাইলত খাবলৈ ভাল পায় । বিশেষকৈ ব্ৰেকফাষ্টত প্ৰায় সকলোৰে প্ৰিয় হৈ পৰিছে ওটছ । ওটছ খাবলৈ যিমান সোৱাদযুক্ত সিমানেই একেদৰেই ই শক্তিৰে পৰিপূৰ্ণ । ওটছৰ সহায়ত বহু ধৰণৰ ব্যঞ্জন তৈয়াৰ কৰিব পাৰি ।
যদি আপুনি অতি ব্যস্ত আৰু খৰখেদাকৈ পেট পূৰ কৰিবলৈ কিবা এটা খাবলৈ মন গৈছে তেন্তে ওটছ হৈছে এক উত্তম বিকল্প । ইয়াক তৈয়াৰ কৰাটোও অতি সহজ আৰু ই পুষ্টিকৰ উপাদানেৰে ভৰপূৰ । কেৱল এয়াই নহয়, যদি আপুনি ৰাতিটো ওটছ তিয়াই ৰাতিপুৱা ব্ৰেকফাষ্টত খায়, তেন্তে ইয়াৰ বহুতো আচৰিত উপকাৰিতা লাভ কৰিব । অৱশ্যে কেতিয়াবা এনেকুৱাও হয় যে হঠাৎ ভোক লাগে । এনে পৰিস্থিতিত কি খাব সেয়া বুজিব পৰা নাযায় ।
গতিকে আজি আমি আপোনালোকক ক’বলৈ ওলাইছো ওটছৰ পৰা তৈয়াৰী কেইবিধমান সোৱাদযুক্ত খাদ্যৰ বিষয়ে, যিবোৰ আপুনি যেতিয়াই ভোক অনুভৱ কৰে তেতিয়াই নিমিষতে তৈয়াৰ কৰি খাব পাৰে ।
১/ পিষ্টাচিঅ’ ওটছ আৰু গোলাপ
ইয়াক তৈয়াৰ কৰিবলৈ ৩ চামুচ ওটচ, ১/২ চামুচ চিয়া গুটি, ১ চামুচ গুড়, ১ চামুচ কিচমিচ, ১ চামুচ গোলাপৰ পাহি, ৫-৬ টা পিষ্টা ৰোষ্ট কৰা, ২ কাপ গাখীৰৰ প্ৰয়োজন । এতিয়া এই সকলোবোৰ উপাদান একেলগে মিহলাই ৰাতিটো তিয়াই থওক । পুৱা উঠি ইয়াক নবনোৱাকৈ আপুনি ইয়াক ব্ৰেকফাষ্টত খাব পাৰে ।
২/ চকো পিনাট ওটছ
ওটচক চকলেটৰ সোৱাদ দিবলৈ ৩ চামুচ অটচ, ১ চামুচ চিয়া গুটি, ১ চামুচ গুড়, ১ চামুচ কিচমিচ, ১ চামুচ পিনাট বাটাৰ, আধা চামুচ ক’ক’ পাউদাৰ, ২ কাপ গাখীৰ খাব লাগে । চকলেট প্ৰেমীসকলে ওটছৰ এই ৰেচিপি নিশ্চয় ভাল পাব । ইয়াত পিনাট বাটাৰৰ ৰূপত স্বাস্থ্যকৰ চৰ্বি থাকে ।
৩/ কেশৰ বাদাম ওটছ
ইয়াক তৈয়াৰ কৰিবলৈ ৩ চামুচ ওটচ, ২ চামুচ চিয়া গুটি, ১ চামুচ গুড়, ১ চামুচ কিচমিচ, ১ চামুচ আলমণ্ড, ৩ৰ পৰা ৪ টা কেশৰ ডাল, ২টা থেতেলিয়াই লোৱা ইলাচি, ২ কাপ গাখীৰ । ওটছৰ এই ৰেচিপিটো পুষ্টিকৰ উপাদানৰে ভৰপূৰ । ইয়াক খালে শৰীৰে অত্যাৱশ্যকীয় ভিটামিন আৰু খনিজ পদাৰ্থ লাভ কৰে । এই ৰেচিপিত কেশৰ আৰু ইলাচি যোগ কৰিলে আপুনি ভাল সুগন্ধি আৰু ভাল সোৱাদ লাভ কৰিব ।
সেয়ে আপুনিও এতিয়াৰ পৰা কেতিয়াবা হঠাৎ ভোক লাগিলে কিবা সোৱাদযুক্ত বাবে স্বাস্থ্যকৰ খাদ্য যদি খাব বিচাৰে তেন্তে ওপৰত উল্লেখিত এই খাদ্যসমূহ অতি সহজে ঘৰতে তৈয়াৰ কৰি খাব পাৰে ৷
লগতে পঢ়ক: Grapes Benefits: কেৱল আঙুৰে এই ৫টা ৰোগৰ পৰা সকাহ দিয়ে, আপুনিও খাবলৈ আৰম্ভ কৰক এই ফল
