নলবাৰী, 19 জুনঃ অসম চৰকাৰলৈ কাতৰ অনুৰোধ নলবাৰীৰ জিলাৰ শব্দ যন্ত্ৰ কমিটিৰ । কৰ’ণা মহামাৰীৰ ফলত এতিয়া বাৰুকৈয়ে ক্ষতিগ্ৰস্ত হৈছে শব্দ যন্ত্ৰৰ লগত জড়িত থকা লোকসকলৰ লগতে মালিক পক্ষ ৷
এই ক্ষতিগ্ৰস্ত লোকসকলৰ বৰ্তমানে পানীত হাঁহ নচৰা অৱস্থা ৷ তাৰেই এক ফলপ্ৰসূ সমাধানৰ বাবে শুকুৰবাৰে নলবাৰী বগলচ্ৰোড চ’কস্থিত নবোদয় সংঘত এক আলোচনাত মিলিত হয় নলবাৰী জিলাৰ শব্দ যন্ত্ৰৰ মালিক পক্ষ সকল ৷ এই আলোচনাতেই সভাপতি জিতেন্দ্ৰ জৈন আৰু সাধাৰণ সম্পাদক পংকজ কলিতাৰ নেতৃত্বত এটি 21 জনীয়া কমিটিৰে পূৰ্ণাংগ সমিতি গঠন কৰা হয় ৷
এই সমিতিখনে অনাগত দিনত চৰকাৰখনক এক ইতিবাচক দৃষ্টি ভংগীৰে অন্তত এক ৰাজহ ঋণ প্ৰদান কৰি উদ্যোগটো তথা উদ্যোগটোৰ লগত জড়িত হৈ থকা ব্যক্তি সকলক জীয়াই ৰাখিবলৈ আহ্বান জনায় ৷
উল্লেখ্য যে, এই উদ্যোগত জড়িত সকলে একমাত্ৰ বিহু খনকেই মুখ্য হিচাপে গণ্য কৰি চলি আছিল ৷ কিন্তু এইবাৰ কৰ’ণা মহামাৰীৰ বাবে সেয়াও স্তব্ধ হৈ পৰিল ৷
লগতে চাওকঃ বীৰ জোৱান জয় কিশোৰ সিঙৰ শেষকৃত্য সম্পন্নঃ হাজাৰ হাজাৰ লোকৰ সমাগম
