নগাঁও, 24 মেঃ নগাঁৱৰ চমুৱা গাঁও তিনিআলিত শনিবাৰে নিশা সংঘটিত হয় এক ভয়ংকৰ পথ দুৰ্ঘটনা । মৰিগাঁৱৰ পৰা নগাঁও অভিমুখে অহা এখন তীব্ৰবেগী চাৰিচকীয়া বাহনে মহতিয়াই নিয়ে দুজন লোকক । লোক দুজন বটদ্ৰৱা সমষ্টিৰ খালৈ গাঁৱৰ টিকু মনি ডেকা আৰু দেৱজিৎ ডেকা বুলি জানিব পৰা গৈছে । ঘটনা সংঘটিত হোৱাৰ পাচতে স্থানীয় ৰাইজে আৰক্ষীক অৱগত কৰে ৷
ঘটনাস্থলীত জাজৰি আৰক্ষী উপস্থিত হৈ লোক দুজনক সংকটজনক অৱস্থাত নগাঁৱৰ ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰে । নগাঁৱলৈ নিয়া অৱস্থাত টিকু মনি ডেকাৰ মৃত্যু হয় । বাহনখনে দুৰ্ঘটনা সংঘটিত কৰি ঘটনাস্থলীৰ পৰা পলায়ন কৰে । দুৰ্ঘটনা সংঘটিত কৰা বাহনখনৰ তদন্ত অব্যাহত ৰাখিছে আৰক্ষীয়ে ।
লগতে পঢ়ক- সমাগত বাৰিষা,শংকিত নৈপৰীয়া
