বটদ্ৰৱা, 19 মেঃ অন্ধ্ৰপ্ৰদেশত আৱদ্ধ হৈ আছে ৰাজ্যৰ কেইবাখনো জিলাৰ যুৱক । কৰ্মসংস্থাপনৰ বাবে অন্ধ্ৰপ্ৰদেশলৈ যোৱা যুৱকসকলে সম্প্ৰতি খাদ্যৰ লগতে তীব্ৰ অৰ্থ সংকটৰ সন্মুখীন হৈছে । আনহাতে তেঁওলোকক মালিকে খাদ্য আৰু অৰ্থ যোগান নধৰাৰো অভিযোগ উত্থাপিত হৈছে ।
অন্ধ্ৰপ্ৰদেশত আৱদ্ধ অসমৰ যুৱক
তেঁওলোকৰ এই দুৰৱস্থাৰ বিষয়ে অৱগত কৰি এজন যুৱকে ফোনযোগে সহায় বিচাৰিছিল বটদ্ৰৱাৰ বিধায়িকা আঙুৰলতা ডেকাক । বিধায়িকা গৰাকীয়ে ইয়াৰ পিছতেই তৎপৰতাৰে যুৱককেইজনক ওভোটাই অনাৰ বাবে প্ৰচেষ্টা হাতত লৈছে । বিধায়িকা গৰাকীৰ এই তৎপৰতাৰ বাবে তেখেতক ধন্যবাদ জ্ঞাপন কৰে যুৱককেইজনে ।
