দ্বিতীয় দিনটোত অভূতপূৰ্ব সঁহাৰি 'কাঞ্চনজংঘা'ৰ

পোনপ্ৰথমবাৰৰবাবে বিটিএডিৰ মুখ্য চহৰত অসমীয়া ছবি উপভোগ কৰি আনন্দিত কোকৰাঝাৰবাসী ৷

কোকৰাঝাৰ, 7 চেপ্তেম্বৰঃ কাঞ্চনজংঘা মুক্তিৰ দ্বিতীয় দিনটোত ছবিগৃহত দৰ্শকৰ লানি নিচিগা ভিৰ । পোনপ্ৰথমবাৰৰবাবে বিটিএডিৰ মুখ্য চহৰত অসমীয়া ছবি উপভোগ কৰি আনন্দিত কোকৰাঝাৰবাসী । যুৱ প্ৰজন্মৰ হাৰ্টথ্ৰ'ৱ জুবিন গাৰ্গে নিৰ্মাণ কৰা ছবি 'কাঞ্চনজংঘা' মুক্তিৰ দ্বিতীয় দিনটোত কোকৰাঝাৰৰ গোল্ড ছবি গৃহত দেখিবলৈ পোৱা গ'ল জুবিন অনুৰাগীৰ লানি নিছিগা সোঁত ৷ ছবিখন চাই বহু অনুৰাগী আপ্লুত হোৱাৰ লগতে আগন্তুক সময়ত আৰু ভাল ছবি বনাবলৈ অনুৰোধ কৰে জুবিন গাৰ্গক ৷