কৰিমগঞ্জত ড্ৰাগছৰ বিৰুদ্ধে ৰাইজৰ অভিযান

ড্ৰাগছ সেৱনকাৰীৰ সংখ্যা বৃদ্ধি পাই অহাৰ পাছতো জিলা প্ৰশাসনে ইয়াৰ বিৰুদ্ধে কোনো ধৰণৰ ব্যৱস্থা গ্ৰহণ নকৰাত ক্ষোভিত হৈ পৰিছে সাধাৰণ ৰাইজ ৷

কৰিমগঞ্জ, 12 চেপ্তেম্বৰঃ ড্ৰাগছৰ কৱলত কৰিমগঞ্জ চহৰ ৷ চহৰখনৰ অলিয়ে গলিয়ে এতিয়া ড্ৰাগছৰ অবাধ বেহা ৷ দীৰ্ঘদিন ধৰি চহৰখনৰ বিভিন্ন প্ৰান্তত ড্ৰাগছৰ অবাধ বেহাৰ লগতে ড্ৰাগছ সেৱনকাৰীৰ সংখ্যা বৃদ্ধি পাই অহাৰ পাছতো জিলা প্ৰশাসনে ইয়াৰ বিৰুদ্ধে কোনো ধৰণৰ ব্যৱস্থা গ্ৰহণ নকৰাত ক্ষোভিত হৈ পৰিছে সাধাৰণ ৰাইজ ৷ অৱশেষত বৃহস্পতিবাৰে স্থানীয় ৰাইজে জিলা খনৰ নিলামবজাৰত অভিযান চলাই ড্ৰাগছ ব্যৱসায় আৰু ড্ৰাগছ সেৱনৰ লগত জড়িত কেইবাজনো দুষ্কৃতিকাৰীক উত্তম-মধ্যম শোধাই নিলামবাজাৰ আৰক্ষীক গতাই দিয়ে ৷