আমিনগাঁৱত পথ দুৰ্ঘটনাত এজন নিহত

মঙলবাৰে নিশা আমিনগাঁৱৰ জয়গুৰুত সংঘটিত হ'ল ভয়াৱহ পথ দুৰ্ঘটনা । নিয়ন্ত্ৰণ হেৰুৱাই ৩১ নং ৰাষ্ট্ৰীয় ঘাইপথত বাগৰিল মালবাহী ট্ৰাক । এই দুৰ্ঘটনা(ACCIDENT)ত থিতাতে নিহত হয় ট্ৰাকচালক অজন্ত সূত্ৰধৰ ।

বাইহাটা,৯ জুন: আমিনগাঁৱ(Amingaon)ৰ জয়গুৰুত পথ দুৰ্ঘটনাই প্ৰাণ ল'লে এজন লোকৰ । মঙলবাৰে নিশা ৩১ নং ৰাষ্ট্ৰীয় ঘাইপথত দুৰ্ঘটনা(ACCIDENT) ত পতিত হ'ল এখন মালবাহী ট্ৰাক । পলাশবাৰীৰ পৰা ইটানগৰ অভিমুখে গৈ থকা অৱস্থাতে ট্ৰাকখনে নিয়ন্ত্ৰণ হেৰুৱাই বাগৰি পৰে । দুৰ্ঘটনাৰ ফলত থিতাতে নিহত হয় ট্ৰাকচালকজন । নিহত ট্ৰাকচালকজনৰ নাম অজন্ত সূত্ৰধৰ । দুৰ্ঘটনাগ্ৰস্ত AS 01 KC 7495 নম্বৰৰ ট্ৰাকখনৰ চালকজনৰ ঘৰ গোৱালপাৰা জিলাৰ ৰংজুলিত বুলি জানিব পৰা গৈছে ।

লগতে পঢ়ক: তেজপুৰত সাতবছৰীয়া শিশুক ধৰ্ষণ