বাইহাটা,12 জানুৱাৰীঃ সোমবাৰে নিশা আমিনগাঁৱস্থ লোকনিৰ্মাণ বিভাগৰ পৰিদৰ্শন বঙলাত উপস্থিত হয় বিজেপিৰ ৰাষ্ট্ৰীয় সভাপতি জেপি নাড্ডা । মুখ্যমন্ত্ৰী সৰ্বানন্দ সোণোৱাল আৰু মন্ত্ৰী হিমন্ত বিশ্ব শৰ্মা, ৰাজ্যিক বিজেপিৰ সভাপতি ৰঞ্জিত দাসকে আদি কৰি শীৰ্ষ নেতা সকলৰ সৈতে মিলিত হয় আলোচনাত । উল্লেখযোগ্য যে, ৰাজ্যিক বিজেপিৰ ক'ৰ কমিটি, নিৰ্বাচন সমিতিকে ধৰি দলটোৰ একাংশ কাৰ্যবাহী নেতাৰ সৈতে পৃথকে পৃথকে তিনিখনকৈ গুৰুত্বপূৰ্ণ বৈঠকত মিলিত হয় বিজেপিৰ ৰাষ্ট্ৰীয় সভাপতি গৰাকী ৷
আমিনগাঁৱৰ পৰিদৰ্শন বঙলাত বিজেপি ৰাষ্ট্ৰীয় সভাপতি জেপি নাড্ডাই ৰাজ্যিক বিজেপিৰ শীৰ্ষ নেতৃত্বৰ সৈতে মিলিত হোৱা ৰুদ্ধদাৰ বৈঠক স্থলীত দেখিবলৈ পোৱা গ’ল মন্ত্ৰী হিমন্ত বিশ্ব শৰ্মাৰ পত্নী ৰিণিকী ভূঞা শৰ্মা আৰু জেপি নাড্ডাৰ সহধৰ্মীনি মল্লিকা নাড্ডাকো ।
লগতে পঢ়কঃ অৰুণাচলৰ পৰা অপহৃত হোৱা দুই বিষয়াক মুক্তি !
