মদাৰতলা পঞ্চায়তৰ কাৰ্যালয়ত ৰাইজে ওলোমালে তলা

সচিবৰ মইমতালিৰ বাবেই মদাৰতলা গাঁও পঞ্চায়তৰ কাৰ্যালয়ত ওলমিল তলা

বাইহাটা চাৰিআলি, 24 জুন : সচিবৰ কামকাজত ক্ষুব্ধ হৈ মদাৰতলা গাঁও পঞ্চায়তৰ কাৰ্যালয়ত ৰাইজে ওলোমালে তলা । বিধবা পেঞ্চনৰ প্ৰ-পত্ৰৰ বাবে প্ৰয়োজনীয় সচিবগৰাকীৰ চহীৰ বাবে অসহায় মহিলাসকলে পঞ্চায়ত কাৰ্যালয়লৈ বাটকুৰি বাই থাকিবলগীয়া হয় ৷ বহু সময়ত সচিবগৰাকী কাৰ্যালয়ত অনুপস্থিত থাকে যদিও আন সময়ত আকৌ চহী দিবলৈ অমান্তি হৈ পঠাই দিয়ে গাঁও পঞ্চায়তৰ সদস্যৰ ওচৰলৈ । এনেবোৰ কাৰণতে অতিষ্ঠ হৈ পৰা মহিলাসকলে সোমবাৰে তলা ওলোমাই দিয়ে পঞ্চায়তৰ কাৰ্যালয়ত ৷