গুৱাহাটী, 16 মে': কিমান সক্ৰিয় সদা-ব্যস্ত মহানগৰীৰ চিচিটিভি কেমাৰাসমূহ ৷ মহানগৰীত আপোনাক মোক সুৰক্ষা প্ৰদান কৰিবলৈ আছেনে পৰ্যাপ্ত পৰিমাণৰ চিচিটিভি কেমেৰা! এনেবোৰ কথাই চিন্তাত পেলাইছে মহানগবাসীক ৷ কিয়নো মহানগৰীৰ আন পথ সমূহৰ কথা বাদেই ৰাজধানীখনৰ মূলপথ জু-ৰোড তিনিআলিত থকা চিচি টিভি কেমেৰা দুটাও বিকল অৱস্থাত আছে ৷
উল্লেখ্য যে, বুধবাৰে মহানগৰীৰ জু-ৰোডস্থিত চেণ্টেল মলৰ সমীপত হোৱা গ্ৰেনেড বিস্ফোৰণৰ ফলত শিশুসহ 11 জন লোক গুৰুতৰভাৱে আহত হয়, ইয়াৰে 3 জনৰ অৱস্থা বৰ্তমানেও সংকটজনক ৷ ঘটনা সংঘটিত হোৱাৰ পাচতে আৰক্ষীয়ে ঘটনাস্থলীৰ ওচৰত থকা চিচিটিভি কেমেৰা পৰীক্ষা কৰে যদিও তাৰে এটা বিকল অৱস্থাত পোৱা যায় ৷ যাৰ ফলত দুষ্কৃতিকাৰীয়ে সঘনাই এনে ঘটনা সংঘটিত কৰি আহিছে বুলি মন্তব্য কৰে সচেতন নাগৰিকে ৷
ইতিমধ্যে গুৱাহাটী মহানগৰীত আইএছআইএছে কূটাঘাত সংঘটিত কৰিব পাৰে বুলি চোৰাংচোৱাৰ হাতত তথ্য মজুত আছে ৷ কিন্তু তাৰ পাচটো মহানগৰীৰ সুৰক্ষাৰ ক্ষেত্ৰত থকা ফোঁপোলা স্বৰূপটো বুধবাৰৰ বিস্ফোৰণে উদঙাই দিয়ে ৷
