গুৱাহাটী, 23 জুনঃ বশিষ্ঠ যান-বাহন আৰক্ষীৰ কৰ্তব্যৰত জোৱান অংকুৰ নেওঁগক প্ৰহাৰ ৷ মহানগৰীৰ বেহৰবাৰীত সংঘটিত হোৱা এক অগ্নিকাণ্ডৰ ফলত অঞ্চলটোত সৃষ্টি হৈছিল তীব্ৰ যান-যঁটৰ ৷ যান যঁট নিয়ন্ত্ৰণ কৰি থকা সময়তে অংকুৰ নেওঁগে AS01 KC 8929 নম্বৰৰ চুইফট ডিজেয়াৰ বাহনখনৰ চালকক অন্য পথৰে ঘূৰি যাবলৈ নিৰ্দেশ দিয়াত গাড়ীখনৰ তিনি যুৱকৰ এজনে দুৰ্ব্যৱহাৰ কৰাৰ লগতে প্ৰহাৰ কৰে আৰক্ষী বিষয়াজনক ৷ স্থানীয় সচেতন লোকে সমগ্ৰ দৃশ্য বন্দী কৰে ম’বাইল কেমেৰাত ৷
কৰ্মৰত যান-বাহন আৰক্ষীক প্ৰহাৰ
উদণ্ড যুৱক জনৰ নাম অভিলেশ গোস্বামী বুলি জানিবলৈ পৰা গৈছে ৷ ইণ্ডিগো এয়াৰত চিকৰিটী অফিচাৰ হিচাপে কৰ্মৰত অভিলেশ ৷ ইতিমধ্যে আৰক্ষীয়ে এক গোচৰ ৰুজু কৰি গ্ৰেপ্তাৰ কৰা যুৱকজনক ।
