যোৰহাট,৫ ফেব্ৰুৱাৰী : ৰাজ্যৰ ভিন্ন প্ৰান্তত চলিছে বাগদেৱীৰ পূজা অৰ্চনা । বিভিন্ন বিদ্যালয়, মহাবিদ্যালয়, শিক্ষা প্ৰতিষ্ঠানত আধ্যাত্মিক পৰিৱেশে বিৰাজ কৰা দেখা গ’ল । ক'ভিড মহামাৰীৰ বাবে বিগত দুটা বছৰত জাক-জমকতাৰে সৰস্বতী পূজা আয়োজন কৰা হোৱা নাছিল যদিও এইবাৰ কিছু ব্যতিক্ৰম দেখা যায় শিক্ষা প্ৰতিষ্ঠানসমূহত ।
যোৰহাটৰ কল্যাণী বাল্য ভৱনত সৰস্বতী পূজা
যোৰহাটৰ জিলাৰো প্ৰতিখন বিদ্যালয়-মহাবিদ্যালয়ত কৰা হয় সৰস্বতী পূজাৰ আয়োজন (Saraswati puja celebration at Jorhat)। যোৰহাটৰ নিমাটী ৰোডৰ পটিয়াগাঁওস্থিত কল্যাণী বাল্য ভৱন বিদ্যালয়তো সম্পূৰ্ণ ক'ভিড নীতি-নিৰ্দেশনা মানি আয়োজন কৰে সৰস্বতী পূজাৰ । পূজাৰ লগত সংগতি ৰাখি নাম প্ৰসংগৰো আয়োজন কৰা হয় বাল্য ভৱনত । পূজা উপলক্ষ্যে শিক্ষাৰ্থীসকলেও বিভিন্ন ধৰণে সাজি কাচি অহা দেখা যায় ।
