যোৰহাট, 29 জানুৱাৰী: অসমীয়া যুৱকৰ ভোগদৈ বালিৰে নিৰ্মাণ কৰা সৰস্বতীৰ প্ৰতিমাই দৃশ্য আৰ্কষণ কৰিছে সৰ্বসাধাৰণ ৰাইজৰ । গতানুগতিক ধাৰাৰ পৰা পৃথক হৈ যোৰহাটত দেখিবলৈ পোৱা গ'ল কেইজনমান যুৱকৰ ব্যতিক্ৰমী প্ৰয়াস । মাটিৰে নহয় এইবাৰ ভোগদৈ নদীৰ বালিৰে নিৰ্মাণ কৰি উলিয়াইছে বিদ্যাৰ অধিস্থিতা দেৱী সৰস্বতীৰ প্ৰতিমা । যোৰহাটৰ এদল যুৱ শিল্পীয়ে যোৰহাটৰ ষ্টেডিয়ামৰ বাকৰিত আটক ধুনীয়াকৈ সাজি উলিওৱা এই সৰস্বতীৰ প্ৰতিমা এতিয়া আৰ্কষণৰ কেন্দ্ৰ বিন্দু হৈ পৰিছে । আনহাতে থাৰ্মকলৰে নিৰ্মাণ কৰা মটৰ চাইকেলখনেও সৰ্বসাধাৰণ ৰাইজক যথেষ্ট আৰ্কষণ কৰে ।
উল্লেখ্য যে, যোৰহাটৰ শিল্পী সংগম উদ্যোগত আৰু প্ৰস্পেক্টাছ গ্ৰুপৰ সহযোগত নিৰ্মাণ কৰা সৰস্বতীৰ মুৰ্তি জৰিয়তে অসমৰ বাহিৰৰ বলুকা শিল্পক অসমতো প্ৰসাৰ কৰা এক সুন্দৰ প্ৰচেষ্টা হাতত লৈছে যুৱ শিল্পীৰ দলটোৱে ।
লগতে পঢ়ক:আলোচনাৰ মেজলৈ আহিব নেকি পৰেশ বৰুৱা: কি বিচাৰে পৰিয়ালে !
