সৰুপথাৰ, 29 মে’: শনিবাৰে সৰুপথাৰৰ বৰপথাৰৰ গেলাবিল পথত এক ভয়ংকৰ পথা দুৰ্ঘটনা সংঘটিত হয় । দুৰ্ঘটনাটোত গেলাবিলৰ ৰেংমা গ্ৰান্ট গাঁৱৰ নিবাসী বিপুল বৰাৰ পুত্ৰ বিপ্লব বৰা নামৰ এজন ২২ বছৰীয়া যুৱকৰ মৃত্যু হয় বুলি জানিব পৰা গৈছে ।
উল্লেখযোগ্য যে, যুৱকজন সৰুপথাৰৰ পৰা গৃহ অভিমুখে বাইকত গৈ থকাৰ সময়তে ৰখাই থোৱা ঠেলাত খুন্দিওৱাৰ ফলত দুৰ্ঘটনা সংঘটিত হয় বুলি প্ৰত্যক্ষদৰ্শীয়ে জানিবলৈ দিয়ে ৷ ইপিনে দুৰ্ঘটনাৰ পাছত যুৱকজনক ততাতৈয়াকৈ গোলাঘাট চিকিৎসালয়লৈ নিয়া হয় যদিও চিকিৎসালয় পোৱাৰ আগতেই শেষ নিশ্বাস ত্যাগ কৰে ।
সম্প্ৰতি সমগ্ৰ অঞ্চলটোত যুৱক জনৰ আকস্মিক ভাবে দুৰ্ঘটনাটোত মৃত্যু হোৱা ঘটনাই চাঞ্চল্য সৃষ্টি কৰাৰ লগতে শোকৰ ছাঁ পেলাইছে ।
লগতে পঢ়কঃ কোৱাৰেন্টাইন কেন্দ্ৰৰ পৰা ঘৰলৈ আহি থাকোতে মহিলাক দলবদ্ধ ধৰ্ষণ
