গোলাঘাট,19 এপ্ৰিল: গোলাঘাটৰ তৰফাট আহোম গাঁৱত জীৱশ্ৰেষ্ঠৰ নৃশংসতা ৷ গাঁৱৰ কোনো অজ্ঞাত লোকে হানি খুচি হত্যা কৰিলে এটি নাহৰফুটুকী ৷ আৰক্ষীয়ে সন্দেহ কৰা মতে শনিবাৰে দিনৰ ভাগতে হত্যা কৰা হৈছিল নাহৰফুটুকীটো ৷ কেৱল হত্যা কৰিয়ে ক্ষান্ত নাথাকি একাংশ লোকে নাহৰফুটুকীটোৰ দাঁত, নখ,ছাল আৰু শৰীৰৰ নিম্নাংশ কাটি লৈ যায় আৰু বাকী অংশটো এখন হাবিৰ মাজত গাতত পুতি থৈ যায় ৷
গোলাঘাটৰ তৰফাট আহোম গাঁৱত জীৱশ্ৰেষ্ঠই হত্যা কৰিলে নাহৰফুটুকী
ঘটনাৰ তথ্য লাভ কৰাৰ পাছেত ঘটনাস্থলীত উপস্থিত হৈ গোলাঘাট আৰক্ষীয়ে উদ্ধাৰ কৰিছে নাহৰফুটুকীটোৰ মৃতদেহ ৷ কিন্তু এতিয়া প্ৰকৃত অপৰাধীৰ সন্ধান লাভ কৰিবলৈ সক্ষম হোৱা নাই আৰক্ষী ৷ ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত ৷
লগতে পঢ়কঃ কলিয়াবৰত উদ্ধাৰ এটা হৰিণা পহু
