গোলাঘাটৰ উন্নয়নক লৈ ব্যস্ত অভিভাৱক মন্ত্ৰী কেশৱ মহন্ত

গোলাঘাট জিলাৰ ভৱিষ্যতৰ মিচন প্লেন, বৰ্তমানৰ সমস্যা আৰু জিলাখনৰ উন্নয়ন সন্দৰ্ভত সোমবাৰে এক পৰ্যালোচনা সভাত অংশগ্ৰহণ কৰে অভিভাৱক মন্ত্ৰী কেশৱ মহন্ত ৷ গোলাঘাটৰ প্ৰতি মুহুৰ্তৰ খবৰৰ লগতে ক’ভিডৰ সকলো তথ্য মন্ত্ৰীগৰাকীক প্ৰত্যেকদিনা দাখিল কৰিবলে জিলাখনৰ শীৰ্ষ মহলক নিৰ্দেশ দিয়ে ৷

গোলাঘাট,15 জুন : সোমবাৰে গোলাঘাটৰ সতী সাধনী কলাক্ষেত্ৰ প্ৰেক্ষাগৃহত মন্ত্ৰী কেশৱ মহন্ত(Keshab Mahanta)ৰ প্ৰথমখন পৰ্যালোচনা সভা অনুষ্ঠিত কৰা হয় ৷ এই সভাত গোলাঘাট জিলাৰ ভৱিষ্যত মিচন প্লেন, বৰ্তমানৰ সমস্যা আৰু জিলাখনৰ উন্নয়ন সন্দৰ্ভত আলোচনা কৰা হয় ৷

গোলাঘাট জিলাৰ প্ৰতি মুহুৰ্তৰ খবৰৰ লগতে ক’ভিডৰ সকলো তথ্য প্ৰতিদিনাই জিলাখনৰ শীৰ্ষ মহলে, জিলাখনৰ অভিভাৱক মন্ত্ৰী কেশৱ মহন্তক প্ৰতিবেদন দাখিল কৰিবলৈ নিৰ্দেশ প্ৰদান কৰিছে ৷ জিলাখনৰ উন্নয়নৰ ক্ষেত্ৰত বিশেষকৈ কাজিৰঙা ৰাষ্ট্ৰীয় উদ্যান(Kaziranga National Park), পৰ্যটন ক্ষেত্ৰ(Tourism Place) সমূহ, আগৰৰ ব্যৱসায় আৰু নুমলীগড় তেল শোধনাগাৰ(Numligarh Oil Refinery)ক অগ্ৰাধিকাৰ দিয়া হ'ব বুলি মন্তব্য প্ৰকাশ কৰে মন্ত্ৰী গৰাকীয়ে ৷

ইফালে মন্ত্ৰী গৰাকীয়ে উল্লেখ কৰা অনুসৰি, ৰাজ্যত অসমত পৰ্যাপ্ত পৰিমাণে মজুত আছে ক’ভিড ভেকচিন(Covid Vaccine) ৷ পূৰ্বতে ক’ভাক্সিন(COVAXIN)ৰ সমস্যা আছিল যদিও বৰ্তমান এই সমস্যা দূৰ হৈছে । সম্প্ৰতি ক’ভিড ভেকচিন(Covid Vaccine)ৰ দ্বিতীয় পালি পৰ্যাপ্ত পৰিমাণে মজুত আছে ৰাজ্যত ৷ এই মন্তব্য কৰে স্বাস্থ্যমন্ত্ৰী কেশৱ মহন্ত(Health Minister Keshab Mahanta)ই ৷

লগতে পঢ়ক: বিদ্যুৎ চুৰিৰ ক্ষেত্ৰত কঠোৰ হ'ব ৰাজ্য চৰকাৰ