জোনাই,11 জুলাইঃ ভৰ-বাৰিষাত ফেনে ফোটোকাৰে ব্ৰহ্মপুত্ৰ ওফন্দি উঠাত এতিয়া কালৰূপ লৈছে নৈ-উপনৈসমূহে। বিভিন্ন স্থানত মথাউৰি,পথ ভাঙি পানী সোমোৱাৰ ফলত হাহাকাৰ বন্যাৰ্তৰ ৷ কিছু দিনৰ পৰা জোনাইৰ লগতে অৰুণাচলত হোৱা নেৰানেপেৰা বৰষুণৰ ফলত জোনাইৰ নদ নদীসমূহৰ পানী ওফন্দি অহাৰ লগতে বাঢ়নী পানীয়ে ভয়ংকৰ ৰূপ ধাৰণ কৰিছে ৷ মহকুমাটোৰ লালী,চিমেন,চিলে,চিয়াং,ডিখাৰী,ডেকা,চিকাৰী আদি নৈসমূহৰ পানীয়ে মহকুমাটোৰ ন ন ঠাই প্লাৱিত কৰাৰ লগতে গৰা খহনীয়াই পৰিস্থিতি জটিলৰ পৰা জটিল কৰি তুলিছে ৷
জোনাইৰ ১২১খন গাওঁ বানৰ কবলত পৰা লগতে ৩৫২০ হেক্টৰ কৃষি ভূমিৰ লগতে ৪৭,০২২ জন লোক বানত ক্ষতিগ্ৰস্থ হোৱাৰ তথ্য পোহৰলৈ আহিছে৷ এতিযা লৈ কোনো ধৰণৰ বান সাহাৰ্য শিবিৰ স্থাপন কৰা নাই যদিও অপৰিৱৰ্তিত পৰিস্থিতি লৈ চাই নিশাৰ ভাগত বান শিবিৰ স্থাপন কৰিব লগা সম্ভাৱনাই দেখা দিছে ৷ আনহাতে মহকুমাটোৰ বান পৰিস্থিতিলৈ চাই ধেমাজি জিলা প্ৰশাসনে নৈ পৰীয়া ৰাইজক নাৱৰ চলাচল বন্ধ ৰাখিবলৈ আহ্বান জনাইছে ৷
লগতে পঢ়কঃ কামাখ্যাত ভূমিস্খলন