চিৰাং, ১৪ এপ্ৰিল: বুধবাৰে বঙাইগাঁও জিলাৰ মাণিকপুৰত ভয়াৱহ ঘটনা সংঘটিত হয় । জিলাখনৰ পাতিলাদহা তিনিআলিত কেইবাগৰাকীও সেনা জোৱান কঢ়িয়াই নিয়া এখন ট্ৰেভেলাৰ বাহন ৰাজপথতে দপদপকৈ জ্বলি উঠে । পাতিলাদহা তিনিআলিৰ 31 নং ৰাষ্ট্ৰীয় ঘাইপথত এই ঘটনা সংঘটিত হয় ।
পাতিলাদহাৰ ৩১ নং ৰাষ্ট্ৰীয় ঘাইপথতে জ্বলিল সেনাৰ ট্ৰেভেলাৰ
জানিব পৰা মতে, কোকৰাঝাৰৰ পৰা বাক্সা জিলাৰ তামুলপুৰলৈ গৈ থকা অৱস্থাতে ট্ৰেভেলাৰ খনৰ যান্ত্ৰিক বিজুতি ঘটে । বাহনখনত শব্দ হৈ থকাত চালকে বাহনখন ৰখাই ভালদৰে চোৱাত তলৰ অংশত জুই জ্বলি থকা প্ৰত্যক্ষ কৰে । ইয়াৰ কিছু সময়ৰ পাছতে বাহনখন দপদপাই জ্বলি উঠে । উল্লেখ্য যে, ঘটনাস্থলীত সাংবাদিক উপস্থিত হোৱাৰ সময়লৈকে অগ্নি নিৰ্বাপক বাহিনী উপস্থিত হোৱা নাছিল ।
লগতে পঢ়ক:কৰ’ণাতংকৰ মাজতে লক্ষাধিক টকাৰ বাজেটেৰে সাজু বিহুতলী
