গহপুৰত বন্যহস্তীৰ তাণ্ডৱ

গহপুৰত অব্যাহত আছে বন্যহস্তীৰ তাণ্ডৱ ৷ ইফালে সময়মতে বন বিভাগৰ লোক উপস্থিত নথকাৰ অভিযোগ ৰাইজৰ

বিশ্বনাথ, 28 জুলাই : গহপুৰত অব্যাহত আছে বন্যহস্তীৰ তাণ্ডৱ । আজি পুৱা গহপুৰৰ বাকৰিদলনী পঞ্চায়তৰ অন্তৰ্গত দক্ষিন ডাঠকলা পিপলদ্বাৰা গাঁৱত এটা বনৰীয়া হাতীয়ে প্ৰৱেশ কৰে ৷ গাঁওখনৰ ধন বাহাদুৰ ছেত্ৰী আৰু ৰাঙলীয়াল পঞ্চায়তৰ গুৱাধৰা গাঁৱৰ দ্বীপ বৰাৰ ঘৰত বন্যহস্তীটোৱে প্ৰৱেশ কৰি কৃষক গৰাকীৰ ভঁৰালৰ ধান খোৱাৰ লগতে বহুত ধান অনিষ্ট কৰে ৷ এই বনৰীয়া হাতীটোৱে বহু দিন ধৰি অঞ্চলটোৰ বিভিন্ন গাঁৱত তাণ্ডৱ চলাই আহিছে বুলি অঞ্চলবাসীয়ে জানিবলৈ দিয়ে ৷ গাঁওবাসীয়ে বন বিভাগক বিভিন্ন সময়ত খবৰ দি আহিছে যদিও সময়মতে বন বিভাগৰ লোক উপস্থিত নথকাৰ অভিযোগ ৰাইজৰ ।