বৃন্দাবনী বস্ত্ৰৰ দ্বিতীয়খন হ'ব নোৱাৰেঃ বশিষ্ঠ শৰ্মা

মহাপুৰুষ শ্ৰীমন্ত শংকৰদেৱ গুৰুজনাৰ অনুপম সৃষ্টি বৃন্দাবনী বস্ত্ৰৰ আৰ্হিত আন এখন বৃন্দাৱনী বস্ত্ৰ ব'বলৈ প্ৰয়াস কৰি যাৱতীয় প্ৰস্তুতি চলোৱাত বৰপেটা সত্ৰই তাৎক্ষণিক প্ৰতিক্ৰিয়া প্ৰকাশ কৰিছে ৷

বৰপেটা,20জুনঃ বৰপেটা সত্ৰৰ বুঢ়াসত্ৰীয়া বশিষ্ঠ শৰ্মাৰ সংবাদমেলত বৃন্দাবনী বস্ত্ৰৰ আৰ্হিত কোনো বস্ত্ৰ বোৱা কথাটো সমৰ্থন নকৰে বুলি প্ৰকাশ কৰে বুঢ়াসত্ৰীয়া বশিষ্ঠ শৰ্মাই ৷

মাজুলীৰ দক্ষিণপাট সত্ৰই বৃন্দাবনী বস্ত্ৰৰ আৰ্হিত নতুনকৈ আন এখন বস্ত্ৰ বোৱা কথা কোনোপধ্যে সমৰ্থন নকৰে বুলিও প্ৰকাশ কৰে বুঢ়াসত্ৰীয়া গৰাকীয়ে ৷ কোঁচ ৰজা নৰনাৰায়নৰ অনুৰোধমৰ্মে মহাপুৰুষ শ্ৰীমন্ত শংকৰদেৱ গুৰুজনাই নিৰ্মাণ কৰিছিল বৃন্দাৱনী বস্ত্ৰ ৷ গুৰুজনাক ৰাজভঁৰালৰ পৰা সূতা,ৰং আদি সকলো সহায় কৰাৰ আশ্বাস দিয়াৰ পিচতে ৰজা নৰনাৰায়নৰ আগ্ৰহক সন্মান জনাই গুৰুজনাই শ্ৰীকৃষ্ণৰ লীলা বৰ্ণিত বৃন্দাবনী বস্ত্ৰখন তাঁতত বৈ উলিয়াইছিল ৷ মহাপুৰুষ শ্ৰীমন্ত শংকৰদেৱৰ চিন্তা,মহাপুৰুষ শ্ৰীশ্ৰীমাধৱদেৱৰ পৰিচালনা আৰু সুদক্ষ তাঁতী গোপাল আতাৰ আধ্যাত্মিক শিল্প কৰ্মৰ ফচল বৃন্দাৱনী বস্ত্ৰৰ আৰ্হিত কোনো কোনো সত্ৰই পুনৰ বস্ত্ৰখনি বয় উলিয়াবলৈ চেষ্টা চলাই আহিছে ৷ এই বৃন্দাৱনী বস্ত্ৰৰ লগত বৰপেটা সত্ৰৰ ঐতিহ্য,পৰম্পৰা আৰু মৰ্যদাৰ ছশ বছৰীয়া সম্পৰ্ক ৰক্ষিত হৈ আছে ৷ সেয়েহে বৰপেটা সত্ৰৰ বৈঠকী সমূহৰ সভাই কোনো সত্ৰ বা অনুষ্ঠানক কেতিয়াও বৃন্দাবনী বস্ত্ৰ বোৱাৰ আজ্ঞা প্ৰদান নকৰে বুলি সিদ্ধান্ত লোৱাৰ কথা সদৰি কৰে ৷

লগতে আন এটা বাতৰি- বিশ্বনাথত জিলা প্ৰশাসনৰ উদ্যোগত ৰাভা দিৱসৰ আয়োজন