জৰাজীৰ্ণ পথে জ্বলা-কলা খুৱাইছে জনীয়াবাসীক

পথছোৱা দ হোৱাৰ বাবে এজাক বৰষুণতে একাঠু পানী হয়,যাৰ ফলত দীৰ্ঘদিন ধৰি যাতায়তৰ ক্ষেত্ৰত সাধাৰণ ৰাইজে নৰক যন্ত্ৰণা ভুগিব লগীয়া হৈছে ।

জনীয়া,৩ জুলাই : পৰিৱৰ্তনকামী সোণোৱাল চৰকাৰখনে সৰ্বাংগীণ উন্নয়নৰ ঢাক ঢোল বজাই আহিলেও প্ৰকৃততে কিমান উন্নয়ন হৈছে ৰাজ্যৰ পথ সমূহ। জনীয়া সমষ্টিৰ কেইবাটাও জৰাজীৰ্ণ পথে অঞ্চলবাসীক জ্বলা-কলা খুৱাইছে।

সদাব্যস্ত এই পথকেইটাৰে জনীয়া সমষ্টিৰ কেইবাখনো গাঁৱৰ স্কুলীয়া ছাত্ৰ-ছাত্ৰীৰ লগতে অঞ্চলবাসীয়ে যাতায়ত কৰে। পথকেইটাই ছুই গৈছে দুই -তিনিটাকৈ সমষ্টি। কিন্তু ৰাইজৰ অভিযোগ অনুসৰি পথকেইটা মেৰামতি কৰাৰ ক্ষেত্ৰত গুৰুত্ব দিয়া নাই ৷ উল্লেখ্য যে ইয়াৰে এটা সমষ্টিৰ বিধায়ক তথা বৰ্তমানৰ সাংসদ আব্দুল খালেক। কেবাবাৰো স্থানীয় ৰাইজ তথা বিভিন্ন দল সংগঠনে আবেদন কৰা স্বত্বেও বিভাগীয় কৰ্তৃপক্ষৰ গা লৰা নাই বুলি অভিযোগ দিয়ে ভুক্তভোগী ৰাইজে।