গোৰেশ্বৰত অসম জাতীয়তাবাদী যুৱ ছাত্ৰ পৰিষদৰ প্ৰতিবাদ

গোৰেশ্বৰৰ ৰেলপথৰ সমীপত অনুষ্ঠিত প্ৰতিবাদী কাৰ্যসুচীত মুখ্যমন্ত্ৰী আৰু যোগান মন্ত্ৰীৰ প্ৰতিকৃতি দাহ কৰি উত্তাল প্ৰতিবাদ সাব্যস্ত কৰে ৷

বাক্সা,5 নৱেম্বৰঃ বৃহস্পতিবাৰে বাক্সাৰ গোৰেশ্বৰত অসম জাতীয়তাবাদী যুৱ ছাত্ৰ পৰিষদৰ সদস্যসকলে উত্তাল প্ৰতিবাদ সাব্যস্ত কৰে ৷ অত্যাৱশ্যকীয় সামগ্ৰীৰ মু্ল্যবৃদ্ধিৰ বিৰুদ্ধে প্ৰতিবাদী কাৰ্যসূচী ৰূপায়ণ কৰে যুৱ ছাত্ৰ পৰিষদ বাক্সা জিলা সমিতিয়ে ৷ গোৰেশ্বৰৰ ৰেলপথৰ সমীপত অনুষ্ঠিত প্ৰতিবাদী কাৰ্যসুচীত মুখ্যমন্ত্ৰী আৰু যোগান মন্ত্ৰীৰ প্ৰতিকৃতি দাহ কৰি উত্তাল প্ৰতিবাদ সাব্যস্ত কৰে ৷ অসম চৰকাৰ হায় হায়,বিজেপি চৰকাৰ গ’ বেক,সৰ্বা হিমন্ত হায় হায়,মুল্যবৃদ্ধি ৰোধ কৰক,যোগান মন্ত্ৰী হায় হায় আদি শ্ল'গানেৰে উত্তাল কৰি তোলে গোৰেশ্বৰৰ ৰাজপথ ৷
উক্ত অনুষ্ঠানত যুৱ ছাত্ৰ পৰিষদৰ বাক্সা জিলা সমিতিৰ সভাপতি ৱাহেদুৰ ৰহমান আৰু পূৱ ডেফেলী আঞ্চলিকৰ সম্পাদক গগন বেজবৰুৱা,উপসভাপতি সোনেশ্বৰ কলিতা উপস্থিত থাকে ৷

লগতে পঢ়কঃ ভাৰত আহি পালে যুঁজাৰু বিমান ৰাফেলৰ দ্বিতীয়টো গোটৰ তিনিখনকৈ বিমান