নিউজ ডেস্ক, ২৮ জুন : বিশ্বকাপৰ ৩৫ সংখ্যক মেচত শুকুৰবাৰে মুখামুখি হ'ব শ্ৰীলংকা আৰু দক্ষিণ আফ্ৰিকা দল । কিন্তু দুৰ্ভাগ্যই লগ এৰা নাই ইতিমধ্যেই ছেমি ফাইনেলৰ দৌৰৰ পৰা বাহিৰ হোৱা দক্ষিণ আফ্ৰিকা দলক । আঘাতৰ বাবে দলটোৰ অন্যতম বেটছমেন ডেভিদ মিলাৰে মেচ খনৰ পৰা বাহিৰ হৈছে । উল্লেখ্য যে, দক্ষিণ আফ্ৰিকাৰ বেটছমন গৰাকীয়ে পাকিস্তানৰ বিৰুদ্ধে ২৩ জুনৰ মেচত ফিল্ডিং কৰা সময়ত আঘাতপ্ৰাপ্ত হৈছিল ।
মিলাৰ দলৰ পৰা বাহিৰ হ'লেও শুকুৰবাৰৰ মেচত দক্ষিণ আফ্ৰিকাৰ হৈ গুৰুত্বপূৰ্ণ ভূমিকা গ্ৰহণ কৰিব অধিনায়ক ফাফ ডু প্লেছি, ইমৰান তাহিৰ, কাগিছো ৰাবাডাই । ইয়াৰোপৰি, শ্ৰীলংকাৰ হৈ ডিমুথ কৰুণাৰত্নে, লাচিথ মালিংগাই মুখ্য ভূমিকা পালন কৰাৰ আশা প্ৰকাশ কৰা হৈছে ।
