লাডাখত প্ৰথমবাৰৰ বাবে ৰাষ্ট্ৰীয় পতাকা উত্তোলন কৰিব ধোনীয়ে

কেন্দ্ৰীয় শাসিত অঞ্চল ঘোষণা হোৱাৰ পাচতেই লাডাখত স্বাধীনতা দিৱসত পতাকা উত্তোলন কৰিব ভাৰতীয় ক্ৰিকেট দলৰ প্ৰাক্তন অধিনায়ক তথা লেফটেনেন্ট কৰ্নেল মহেন্দ্ৰ সিং ধোনীয়ে ৷ বৰ্তমান 2 মাহৰ বাবে ভাৰতীয় সেনাৰ সৈতে প্ৰশিক্ষণ শিৱিৰত প্ৰশিক্ষণ গ্ৰহণ কৰি আছে ধোনীয়ে ৷

স্পৰ্টছ ডেস্ক, 11 আগষ্টঃ স্বাধীনতা দিৱসৰ মাজত এতিয়া মাথো তিনিটা দিন ৷ কেন্দ্ৰীয় শাসিত অঞ্চল ঘোষণা হোৱাৰ পাচতেই লাডাখত স্বাধীনতা দিৱসত পতাকা উত্তোলন কৰিব ভাৰতৰ প্ৰাক্তন অধিনায়ক মহেন্দ্ৰ সিং ধোনীয়ে ৷ 2 মাহৰ বাবে ভাৰতীয় সেনাৰ সৈতে প্ৰশিক্ষণ গ্ৰহণত ব্যস্ত ধোনী ৷ উল্লেখ্য যে, 5 আগষ্টত জম্মু-কাশ্মীৰৰ পৰা ভাৰতীয় সংবিধানৰ ৩৭০ নং অনুচ্ছেদ প্ৰত্যাহাৰ কৰাৰ পিছতে লাডাখক কেন্দ্ৰীয় শাসিত অঞ্চল হিচাপে ঘোষণা কৰিলে কেন্দ্ৰীয় চৰকাৰে । যোৱা 30 জুলাই তাৰিখে শ্ৰীনগৰত 106 নং টেৰিটৰিয়েল আৰ্মি বেটেলিয়ান (পেৰা) ফৰ্চত যোগদান কৰিছিল ধোনীয়ে । বৰ্তমান 2 সপ্তাহৰ বাবে ভাৰতীয় সেনাৰ সৈতে জম্মু-কাশ্মীৰত প্ৰশিক্ষণ গ্ৰহণ কৰি আছে ধোনীয়ে ৷