চিটাৰা ডেস্ক, ৫ জানুৱাৰী: পিতৃৰ ঘৰৰ পৰা আঁতৰি নিজে ক্ৰয় কৰা ঘৰত থকাৰ থকাৰ সিদ্ধান্ত লৈছে ২০১৮ চনত বলীউড ছবি জগতত খোজ পেলোৱা জনপ্ৰিয় অভিনেত্ৰী জাহ্নৱী কাপুৰে । নৱবৰ্ষৰ আৰম্ভণিতে অভিনেত্ৰীগৰাকীয়ে মুম্বাইৰ জুহু এলেকাত ক্ৰয় কৰিলে তিনি মহলীয়া এপাৰ্টমেণ্ট । ৩৯ কোটি টকা ব্যয় সাপেক্ষে জাহ্নৱীয়ে আৰ্য্য বিল্ডিং কমপ্লেক্সত থকা ৩,৪৫৬ বৰ্গফুটৰ এই এপাৰ্টমেণ্টটো ক্ৰয় কৰে ।
- " class="align-text-top noRightClick twitterSection" data="
">
বিগত বৰ্ষৰ ৭ ডিচেম্বৰ তাৰিখে এপাৰ্টমেণ্ট ক্ৰয়ৰ সকলো কাম সম্পন্ন হৈছিল । শীঘ্ৰেই মুম্বাইৰ লখণ্ডৱালাত থকা গ্ৰীণ একৰ এৰি নিজৰ ঘৰলৈ যাব জাহ্নৱী । লখণ্ডৱালাস্থিত বাসগৃহত জাহ্নৱীয়ে পিতৃ বনী কাপুৰ আৰু ভগ্নী খুছি কাপুৰৰ সৈতে বাস কৰিছিল । শেহতীয়াকৈ শৰণ শৰ্মা নিৰ্দেশিত দ্য কাৰ্গিল গাৰ্লত অভিনয় কৰিছিল জাহ্নৱী কাপুৰে ।
- " class="align-text-top noRightClick twitterSection" data="
">
১৯৯৯ চনত কাৰ্গিল যুদ্ধত সাহসেৰে যুঁজ দিয়া ভাৰতৰ বায়ু সেনাৰ মহিলা পাইলট গুঞ্জন ছাক্সেনাৰ জীৱন কাহিনীৰ আধাৰত নিৰ্মিত ছবিখনত তেওঁ গুঞ্জন ছাক্সেনাৰ চৰিত্ৰ ৰূপায়ণ কৰিছিল । আগন্তুক সময়ত হাৰ্দিক মেহতাৰ ভৌতিক-হাস্যকৰ ছবি ৰোহিআফজা, কৰণ জোহৰৰ টখ্ট আৰু দোস্তানা-২ত অভিনয় কৰিব জাহ্নৱী কাপুৰে ।
লগতে পঢ়ক:নিজৰ পোহনীয়া কুকুৰৰ সৈতে ফটো শ্বেয়াৰ অভিনেত্ৰী অনুস্কা শৰ্মাৰ
