শিৱসাগৰ, 27 জুলাই : শিৱসাগৰৰ বেতবাৰী কাকতি গাঁৱত সোমবাৰে উদ্ধাৰ হয় এটা মৃতদেহ । পথাৰৰ পুখুৰীত উদ্ধাৰ হোৱা মৃতদেহটো কাকতি গাঁৱৰ ত্ৰিনয়ণ চেতিয়া নামৰ এজন যুৱকৰ বুলি চিনাক্ত হয় ।
পুখুৰীত উদ্ধাৰ আৰক্ষী বিষয়াৰ পুত্ৰৰ মৃতদেহ
ডিমৌ আৰক্ষী থানাৰ আৰক্ষী বিষয়া ভুৱন চেতিয়াৰ তৃতীয় পুত্ৰ আছিল ত্ৰিনয়ণ । বিগত তিনিদিন ধৰি সন্ধানহীন হৈ আছিল যুৱকজন । সোমবাৰে পুখুৰীত উপঙি থকা অৱস্থাত প্ৰত্যক্ষ হয় যুৱকজনৰ মৃতদেহটো । ৰাইজে আৰক্ষীক খবৰ দিয়াত মৃতদেহ পাৰলৈ অনাৰ পাছত চিনাক্ত হয় ত্ৰিনয়ণ চেতিয়া বুলি । মৃত্যুৰ কাৰণ আত্মহত্যা বুলি ধাৰণা কৰা হৈছে যদিও মৰণোত্তৰ পৰীক্ষাৰ পাছতহে প্ৰকৃত মৃত্যুৰ কাৰণ জানিব পৰা হ'ব বুলি আৰক্ষীয়ে জানিব দিছে ।
লগতে পঢ়ক : বানাক্ৰান্তক সহায়ৰ বাবে এনডিআৰএফৰ অভিযান অব্যাহত
