নিউজ ডেস্ক, 20 এপ্ৰিলঃ কানাডাৰ ৰাজপথত সন্ত্ৰাস চলাই অচিনাক্ত আততায়ীয়ে হত্যা কৰে অতি কমেও 13 জন লোকক । ৰয়েল কানাডিয়ান পুলিছে সংবাদমেলত অৱগত কৰা অনুসৰি,কানাডাৰ নোভা স্ক'টিয়া ৰাজ্যৰ বিভিন্ন স্থানত গৈ গুলীবৰ্ষণ কৰে । 12 ঘণ্টা ধৰি দুষ্কৃতিকাৰী জনে এই সন্ত্ৰাস চলায় ।
আৰক্ষীয়ে লগতে কয় যে,আৰু অধিক মৃতদেহ হয়তো উদ্ধাৰ হ'ব পাৰে । দুষ্কৃতিকাৰীজন গেব্ৰিয়েল ৱৰ্থমেন বুলি জানিব পৰা গৈছে । ৱৰ্থমেনৰ বয়স 51 বছৰ বুলি আৰক্ষীয়ে ধাৰণা কৰিছে । শনিবাৰে ৰাতি লোকজনে এই ঘটনা সংঘটিত কৰিছিল ।
প্ৰথমে আৰক্ষীয়ে এই ঘটনা সম্পৰ্কে 911 টা ফোন কল লাভ কৰিছিল। তাৰ পাচত আৰক্ষীয়ে ফোন কৰা লোকসকলৰ ঘৰলৈ যায় যদিও সকলোৰে ঘৰ বন্ধ হৈ থাকে আৰু কোনেও দৰ্জা খুলি নিদিয়ে ।
তাৰ পাচত আৰক্ষীয়ে অঞ্চলটোত লোকজনৰ সম্ভেদ বিচাৰে। হালিফাক্স চহৰৰ পৰা 35 কিল'মিটাৰ নিলগত আৰক্ষীৰ লগত মুখামুখি হয়। আৰক্ষীৰ লগত হোৱা সংঘৰ্ষত এগৰাকী মহিলা আৰক্ষী নিহত হোৱাৰ লগতে আন এগৰাকী আহত হয় । পাচত আৰক্ষীৰ গুলীত আততায়ীজনৰ মৃত্যু হোৱাতেহে এই সংঘৰ্ষৰ অন্ত পৰে ।
লগতে পঢ়কঃ ভাড়াঘৰৰ মালিকক তিনিমাহৰ ভাড়া ৰখাই দিবলৈ আহ্বান তেলেংগানা চৰকাৰৰ
