নগাঁও, 24 মাৰ্চ : লোকসভা নিৰ্বাচনক লৈ মাজত মাথো কেইটামান দিন থকা অৱস্থাতে নগাঁৱত কার্টনে কার্টনে জব্দ বিলাতী সুৰা । নগাঁও জিলাৰ আৰক্ষী,আবকাৰী বিভাগ আৰু আৰক্ষী অধীক্ষকৰ দ্বাৰা গঠন কৰা ফ্লায়িং স্কোৱাৰডে অভিযান চলাই উদ্ধাৰ কৰে বিলাতী সুৰাখিনি ৷ এক গোপন সূত্ৰৰ তথ্যৰ ভিত্তিত, দেওবাৰে AS-02-BC-7095 নম্বৰৰ এখন টাটা মেজিক গাড়ীযোগে নগাঁৱৰ শিয়ালমাৰীৰ পৰা আনুৱাৰ হুছেইন নামৰ যুৱক এজনে কামপুৰ কঁচুৱালৈ ৪২ কাৰ্টন বিলাতী সুৰা লৈ যোৱা অৱস্থাত হাতে লোটে সুৰাসহ গাড়ী খন জব্দ কৰে নগাঁও আৰক্ষীয়ে ৷ ইপিনে নিৰ্বাচনৰ কাৰণে এই বৃহৎ পৰিমাণৰ সুৰা নিয়া বুলি সন্দেহ কৰা হৈছে, যদিও বৰ্তমানেও নিৰুপণহোৱা নাই সত্যতা ৷ আৰক্ষীয়ে যুৱকজনক আটক কৰি অব্যাহত ৰাখিছে তদন্ত ৷
কার্টনে কার্টনে জব্দ বিলাতী সুৰা
