নিউজ ডেস্ক, ২৮ আগষ্ট: কংগ্ৰেছ ৱৰ্কিং কমিটীয়ে(Congress Working Committee) দেওবাৰে দলৰ সভাপতিৰ বাবে দীৰ্ঘদিন প্ৰতীক্ষিত নিৰ্বাচনৰ এক সংশোধিত সময়সূচী ঘোষণা কৰে(Election of congress president) । এই সংশোধিত সময়সূচী অনুসৰি ১৭ অক্টোবৰত অনুষ্ঠিত হ'ব ভোটগ্ৰহণ(Congress president election on Oct 17) আৰু ১৯ অক্টোবৰত ঘোষণা কৰা হ'ব ফলাফল । কংগ্ৰেছ সভাপতিৰ নিৰ্বাচনৰ বাবে অধিসূচনা জাৰি কৰা হ'ব ২২ ছেপ্টেম্বৰত ।
নিৰ্বাচনৰ বাবে মনোনয়ন প্ৰক্ৰিয়া ২৪ ছেপ্টেম্বৰত আৰম্ভ হ'ব আৰু অন্তিম তাৰিখ হ'ব ৩০ ছেপ্টেম্বৰ ৷ ১ অক্টোবৰত কৰা হ’ব পুনৰীক্ষণ আৰু মনোনয়ন প্ৰত্যাহাৰৰ অন্তিম তাৰিখ হৈছে ৮ অক্টোবৰ । কংগ্ৰেছ ৱৰ্কিং কমিটিৰ এখন বৈঠকত আজি এই সিদ্ধান্ত লোৱা হয় । কংগ্ৰেছৰ অধ্যক্ষ ছোনিয়া গান্ধী বৰ্তমান চিকিৎসাৰ বাবে বিদেশত থকাত তেওঁ আৰু কংগ্ৰেছ নেত্ৰী তথা কন্যা প্ৰিয়ংকা গান্ধীয়ে ভাৰ্চুৱেলী বৈঠকত অংশগ্ৰহণ কৰে(AICC Presidential election) ৷
