নিউজ ডেস্ক, 12 এপ্ৰিলঃ ৰাজনৈতিক দলসমূহলৈ উচ্চতম ন্যায়ালয়ৰ নিৰ্দেশনা ৷ নিৰ্বাচনী চুক্তিৰ দ্বাৰা ৰাজনৈতিক দলসমূহে লাভ কৰা অনুদান সম্পৰ্কত বিতং তথ্য জমা দিয়ক নিৰ্বাচন আয়োগক ৷ নিৰ্বাচনী চুক্তিৰ দ্বাৰা সংস্থা, ব্যৱসায়ী কিম্বা প্ৰাৰ্থীৰ পৰা ৰাজনৈতিক দলসমূহে লোৱা অনুদানৰ সবিশেষ তথ্য বন্ধ খামৰ জৰিয়তে 30 মে'ৰ ভিতৰত নিৰ্বাচন আয়োগক জমা দিবলৈ দলসমূহলৈ এই নিৰ্দেশনা সৰ্বোচ্চ ন্যায়ালয়ৰ ৷
বেচৰকাৰী সংস্থা, এশ্ব'চিয়েচন ডেম'ক্ৰেটিক ৰিফৰ্ম আৰু কমিউনিষ্ট পাৰ্টি (মাৰ্ক্সবাদী)য়ে দাখিল কৰা এক ৰাজহুৱা স্বাৰ্থজড়িত আৱেদনৰ শুনানি গ্ৰহণ কৰি শুকুৰবাৰে মুখ্য ন্যায়াধীশ ৰঞ্জন গগৈৰ বিচাৰপীঠে এই নিৰ্দেশনা জাৰি কৰে ৷
