নিউজ ডেস্ক , ২৭ জানুৱাৰী : ৰাজস্থানৰ টঙ্ক জিলাত বুধাবাৰে এক শোকাবহ দুৰ্ঘটনা সংঘটিত হয় । ১২ নম্বৰ ৰাষ্ট্ৰীয় ঘাইপথত পুৱতি নিশা প্ৰায় ২ বজাত সংঘটিত এই পথ দুৰ্ঘটনাত আঠগৰাকী লোকৰ মৃত্য়ু হয় আৰু আন চাৰিজন গুৰুতৰভাৱে আহত হয় । আৰক্ষীয়ে জনোৱা মতে তীব্ৰ বেগী এখন ট্ৰেইলাৰ ট্ৰাকে যাত্ৰী ভৰ্তি জীপ এখনৰ পিছফালে খুন্দা মাৰিছিল ।
টঙ্ক সদৰ থানাৰ আৰক্ষীয়ে কোৱা মতে মৃত ব্য়ক্তিসকল মধ্য়প্ৰদেশৰ ৰাজগড়ৰ বাসিন্দা আৰু তেওঁলোকে জীপখনত ঘৰলৈ গৈ থকা অৱস্থাতে এই দুৰ্ঘটনাটো সংঘটিত হয় । দুৰ্ঘটনাটোত থিতাতে নিহত হয় আঠগৰাকী লোক আৰু বাকী চাৰিগৰাকী আহতক ওচৰৰ এখন হাস্পতালত ভৰ্তি কৰোৱা হৈছে ।
লগতে পঢ়ক :পঞ্জাৱত হাই এলাৰ্ট জাৰী কৰিলে মুখ্যমন্ত্ৰী অমৰিন্দৰ সিঙে
