শহুৰেকক দাৰে ঘপিয়ালে জোঁৱায়েকে - Attempt to murder case

গোলাঘাট, 24 এপ্ৰিল : গোলাঘাট জিলাৰ মেৰাপানীত ভয়ংকৰ ঘটনা সংঘটিত হৈছে ৷ জোঁৱায়েকৰ দাৰ ঘাপত আহত হ'ল শহুৰেক । এই ঘটনা সংঘটিত হৈছে মেৰাপানী আৰক্ষী থানাৰ অন্তৰ্গত ৪ নং গমাৰিত । পাৰিবাৰিক কন্দলৰ বাবেই এই ঘটনা সংঘটিত হৈছে বুলি জানিব পৰা গৈছে । 

পুতুল ওৰাং নামৰ ব্যক্তিজনে নিজৰ বাৰীত বাঁহ কাটি থকা অৱস্থাতে জোঁৱায়েক মনে ওৰাঙে এখন চোকা দাৰে হাতত আৰু মূৰত ঘপিয়াই হত্যাৰ চেষ্টা চলায় লোকজনক । 

এই ঘটনাত গুৰুতৰভাৱে আহত হৈছে শহুৰেক পুতুল ওৰাং ৷ লগে লগে তেওঁক পৰিয়ালৰ লোকে মেৰাপানী সমূহীয়া চিকিৎসালয়ত ভৰ্তি কৰে । ইফালে অধিক ৰক্তক্ষৰণ হোৱাত চিকিৎসকে ব্যক্তিজনক উন্নত চিকিৎসাৰ বাবে গোলাঘাটলৈ প্ৰেৰণ কৰিছে । 

আনহাতে শহুৰেকক হত্যাৰ অপচেষ্টা চলোৱা জোঁৱায়েক মনে ওৰাঙৰ বিৰুদ্ধে পৰিয়ালৰ লোকে মেৰাপানী আৰক্ষী থানাত গোচৰ তৰিছে ৷

লগতে পঢ়ক: তৰালিৰ মৃত্যুৰ ৰহস্য ভেদ হ’বনে ? উত্তপ্ত মেৰাপানী আৰক্ষী থানা - woman suspicious death