মৰিগাঁও : বৃহস্পতিবাৰে পুৱতি নিশা ভূমিকম্পই জোকাৰি গ'ল অসম । পুৱা প্ৰায় তিনি বজাত সংঘটিত ভূমিকম্পৰ কম্পন গুৱাহাটীকে ধৰি ৰাজ্যৰ বিভিন্ন প্ৰান্তত অনুভূত হয় । আনহাতে, গভীৰ টোপনিত শোৱাপাটীত থকাৰ সময়ত সংঘটিত এই ভূমিকম্পত ৰাইজৰ মাজত এক আতংকৰ সৃষ্টি হয় ।
ৰাষ্ট্ৰীয় ভূকম্পন কেন্দ্ৰই (এন চি এছ) জনোৱা অনুসৰি, বৃহস্পতিবাৰে পুৱতি নিশা সংঘটিত ভূমিকম্পটোৰ ৰিখটাৰ স্কেলত প্ৰাবল্য আছিল ৫ । ইয়াৰ উৎপত্তিস্থল মৰিগাঁও জিলা । এন চি এছৰ মতে, পুৱা ২.২৫ সংঘটিত হোৱা এই ভূমিকম্পটোৰ অভিকেন্দ্ৰ ভূপৃষ্ঠৰ পৰা ১৬ কিলোমিটাৰ গভীৰতাত ।
"২৭ ফেব্ৰুৱাৰীত ভাৰতীয় সময় মতে পুৱা ২.২৫ বজাত ২৬.২৮ উত্তৰ অক্ষাংশ আৰু ৯২.২৪ পূব দ্ৰাঘিমাংশত অৱস্থিত অসমৰ ৫ প্ৰাবল্যৰ এটা ভূমিকম্প সংঘটিত হয় । ইয়াৰ গভীৰতা 16 কিঃমিঃ ।" এন চি এছৰ X হেণ্ডেলত কোৱা হৈছে ।
EQ of M: 5.0, On: 27/02/2025 02:25:40 IST, Lat: 26.28 N, Long: 92.24 E, Depth: 16 Km, Location: Morigaon, Assam.
— National Center for Seismology (@NCS_Earthquake) February 26, 2025
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/x6y5vHaGjg
উল্লেখ্য যে, অসম আটাইতকৈ ভূকম্পন প্ৰৱণ অঞ্চলবোৰৰ ভিতৰত এটাত অৱস্থিত হোৱাৰ বাবে ইয়াত ভূমিকম্প সচৰাচৰ সংঘটিত হৈ থাকে । অসম হৈছে ভূকম্পন ক্ষেত্ৰ ৫-ৰ অন্তৰ্গত হয় । ইয়াৰ অৰ্থ হৈছে ৰাজ্যখনত শক্তিশালী ভূকম্পনৰ প্ৰবল সম্ভাৱনা আছে । অৱশ্যে বৃহস্পতিবাৰে সংঘটিত ভূমিকম্পটোৰ ফত হোৱা ক্ষয়-ক্ষতিৰ কোনো তথ্য লাভ কৰা হোৱা নাই ।
উল্লেখ্য যে, বিগত বছৰবোৰত অসমত বহুকেইটা বৃহৎ ভূমিকম্প সংঘটিত হৈ গৈছে । ইয়াৰ ভিতৰত আটাইতকৈ শক্তিশালী আৰু ক্ষতিকাৰক ভূমিকম্প দুটা সংঘটিত হৈছিল ১৮৯৭ আৰু ১৯৫০ চনত । ১৯৫০ চনত অসম-তিব্বত ভূমিকম্প (8.6 প্ৰাবল্য) আৰু 1897 চনৰ শ্বিলং ভূমিকম্প (8.1 প্ৰাবল্য) দুটা ইতিহাসৰ আটাইতকৈ শক্তিশালী ভূমিকম্পৰ ভিতৰত পৰে ।
