বৃক্ক আমাৰ শৰীৰৰ এটি গুৰুত্বপূৰ্ণ অংগ ৷ বৃক্কই শৰীৰৰ পৰা বিষাক্ত পদাৰ্থ আঁতৰাই তেজ বিশুদ্ধ কৰাত সহায় কৰে আৰু ৰোগ প্ৰতিৰোধ কৰাত সহায় কৰে ৷ কিন্তু আজিকালি বেয়া জীৱনশৈলী, জাংক আৰু প্ৰচেছড ফুড, কম পানী খোৱা আৰু অতিৰিক্ত ছডিয়াম সেৱনৰ ফলত বৃক্কত বেয়া প্ৰভাৱ পৰিবলৈ ধৰিছে ৷ দুৰ্বল জীৱনশৈলী আৰু খাদ্যাভ্যাসৰ বাবে বৃক্কক বিষমুক্ত কৰাটো প্ৰয়োজনীয় হৈ পৰে যাতে ই সুচাৰুৰূপে কাম কৰিব পাৰে ৷ যদি বৃক্ক সঠিকভাৱে বিষমুক্ত হয় তেন্তে ৰোগৰ সম্ভাৱনাও কম কৰিব পৰা যায় ৷
যদি আপুনি আপোনাৰ বৃক্কক সুস্থ আৰু বিষাক্ত পদাৰ্থমুক্ত কৰি ৰাখিব বিচাৰে, তেন্তে আপুনি প্ৰতিদিনে পুৱা কিছুমান বিশেষ ডিটক্স পানীয় সেৱন কৰিব পাৰে ৷ আজি এই লেখাটোত আমি আপোনালোকক এনেধৰণৰ ৫টা পানীয়ৰ বিষয়ে তথ্য দিম, যিবোৰ প্ৰতিদিনে পুৱা সেৱন কৰিলে বৃক্ক বিষমুক্ত কৰাত সহায় কৰে ৷ এই সন্দৰ্ভত ডায়েটিচিয়ান প্ৰাঞ্জল কুমাতে কি ক’লে জানো আহক-
১/ ধনিয়া পানী
ধনীয়া গুটিত ভিটামিন চি, পটাছিয়াম, মেগনেছিয়াম আদি পুষ্টিকৰ উপাদান থাকে ৷ ইয়াৰ গুটিৰ পানী খালে বৃক্কৰ পৰা বিষাক্ত পদাৰ্থ আঁতৰি যায় ৷ তদুপৰি ই প্ৰস্ৰাৱ পৰিষ্কাৰ কৰি সংক্ৰমণ ৰোধ কৰে ৷ প্ৰতিদিনে পুৱা খালী পেটত ধনিয়া পানী সেৱন কৰিলেও শৰীৰৰ কম হয় ৷
ধনীয়া পানী কেনেকৈ বনাব
- এই পানীয় বনাবলৈ ১ চামুচ ধনীয়া গুটি এগিলাচ পানীত ৰাতি তিয়াই দিব ৷
- পুৱা এই মিশ্ৰণটো কেৰাহীত ভৰাই উতলাই চেকি লৈ কুহুমীয়াকৈ পান কৰক ৷
- ধনীয়া পানীৰ সোৱাদ বৃদ্ধি কৰি ভাল পালে তাত মৌও দিব পাৰে ৷
২/ গিলয় জুচ
ডায়েটিচিয়ানসকলৰ মতে, বছৰ বছৰ ধৰি গিলয়ৰ ৰস ব্যৱহাৰ কৰি বৃক্ক বিষমুক্ত কৰা হৈছে ৷ গিলয় হৈছে প্ৰাকৃতিক বিষমুক্তকৰণকাৰী, যিয়ে বৃক্ক পৰিষ্কাৰ কৰাত সহায় কৰে ৷ যদি নিয়মিতভাৱে গিলয়ৰ ৰস সেৱন কৰা হয়, তেন্তে ই ইউটিআই প্ৰতিৰোধ কৰে ৷
গিলয়ৰ ৰস কেনেকৈ বনাব
- গিলয়ৰ সতেজ ঠাৰি লৈ এগিলাচ পানীত উতলাই লওক ৷
- গিলয় আৰু পানীৰ মিশ্ৰণটো আধা হোৱালৈকে উতলাই লওক ৷
- এই মিশ্ৰণটো চালনীৰ সহায়ত গিলাচত ফিল্টাৰ কৰি কুহুমীয়াকৈ পান কৰক ৷
৩/ নেমুৰ পানী
নেমুত পৰ্যাপ্ত পৰিমাণে ভিটামিন চি আৰু এন্টিঅক্সিডেন্ট পোৱা যায় ৷ প্ৰতিদিনে পুৱা খালী পেটত নেমুৰ পানী খালে হজম শক্তি ভাল হয় ৷ নেমুত থকা পুষ্টিকৰ উপাদানসমূহেও বৃক্কত পাথৰ হোৱাৰ সম্ভাৱনা কম কৰাত সহায় কৰে ৷
নেমু পানী কেনেকৈ বনাব পাৰি
- পানী এগিলাচ খাব যিটো অলপ কুহুমীয়া ৷
- আধা চামুচ সতেজ নেমুৰ ৰস কুহুমীয়া পানীত মিহলাই লওক ৷
- বৃক্ক ডিটক্স কৰিবলৈ প্ৰতিদিনে পুৱা খালী পেটত নেমুৰ পানী খাব লাগে ৷
৪/ মেথি গুটিৰ পানী
মেথিৰ গুটিত আইৰণ, কেলচিয়াম, মেগনেছিয়াম, পটাছিয়াম, ছডিয়াম আৰু জিংক আদি পুষ্টিকৰ উপাদান পৰ্যাপ্ত পৰিমাণে পোৱা যায় ৷ প্ৰতিদিনে পুৱা খালী পেটত মেথিৰ গুটিৰ পানী খালে শৰীৰৰ পৰা বিষাক্ত পদাৰ্থ ওলাই যোৱাত সহায় কৰি যকৃত আৰু বৃক্ক পৰিষ্কাৰ কৰাত সহায় কৰিব পাৰি ৷ মেথি গুটিৰ পানীয়ে শৰীৰৰ ফুলা কমোৱাত সহায় কৰে ৷
মেথি পানী কেনেকৈ বনাব পাৰি
- মেথিৰ পানী বনাবলৈ ১ চামুচ মেথি গুটি এগিলাচ পানীত দি ৰাতি তিয়াই থব ৷
- পুৱা কেৰাহী এখন লৈ এই মিশ্ৰণটো ২ মিনিট উতলিবলৈ দিয়ক ৷
- ফিল্টাৰ কৰি গিলাচত ঢালি কুহুমীয়াকৈ পান কৰক ৷
(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)
লগতে পঢ়ক
