ہماچل پردیش: ڈی ایم آر نے ایجاد کیا کینسر سے لڑنے والا مشروم - ڈائریکٹوریٹ آف مشروم ریسرچ

مشروم سٹی آف انڈیا یعنی ہماچل پردیش کا ضلع سولن۔ سولن کو مشروم سٹی آف انڈیا کا درجہ دلانے کا سہرا کھُمب ریسرچ سینٹر کو جاتا ہے۔ تاریخ پر نظر ڈالیں تو سولن میں واقع بھارتی تحقیقی مرکز نے سنہ 1961 میں مشروم پر تحقیق شروع کی تھی۔ سال 1983 میں سولن میں الگ سے کھُمب ریسرچ سینٹر قائم کیا گیا اور 10 ستمبر 1997 کو سولن کو مشروم سٹی آف انڈیا کے خطاب سے نوازا گیا تھا۔ یہ تحقیقی مرکز اب تک مشروم کی 30 اقسام ایجاد کرچکا ہے۔ اس بار ڈائریکٹوریٹ آف مشروم ریسرچ (ڈی ایم آر) سولن کے سائنسدانوں نے تقریباً 4 سال کی سخت محنت کے بعد ایک نئی قسم کا 'گرائیفولا مشروم' اگانے میں کامیابی حاصل کی ہے جو کینسر سے لڑنے میں معاون ہے۔