معذوری جس کی کامیابی میں آڑے نہیں آئی

کچھ بڑا کر گزرنے کی تمنا اور اس کے لیے ہمہ تن کوششیں کی جائیں تو انسان اپنے راستے میں حائل تمام مشکلات کو کچل کر آگے بڑھ جاتا ہے اور اپنے منزل مقصود کو جا پہنچتا ہے۔ ایسے ہی ہیں حیدر آباد کے رمندیب سیٹھی، جو قدرت کی بیش بہا نعمت آنکھوں کی بینائی سے محروم ہیں۔ لیکن بینائی سے محروم ہونے کے باوجود رام ندیب سیٹھی کو خدا نے ایسی قابلیت سے نوازا ہے جو کم ہی لوگوں کے حصے میں آئی ہیں۔ مندیب نابینا ہیں مگر وہ کمپیوٹر چلاتے ہیں، انہوں نے کبھی اپنی معزوری کو اپنے کام میں رکاوٹ نہیں بننے دیا بلکہ تمام در پیش پریشانیوں سے جوجھ کر آج فراٹے کے ساتھ کمپیوٹر چلاتے ہیں اور اسی سے ان کا روزگار بھی وابستہ ہے۔