چلتی بس میں آتشزدگی - آندھراپردیش نیوز

آندھرا پردیش کے ضلع کرشنا میں ایک چلتی آر ٹی سی بس میں آگ لگ گئی۔یہ واقعہ اس وقت پیش آیا جب بس وجئے واڑہ سے گوڈی واڑہ جارہی تھی۔ پلاورتھی گوڈیم کے قریب بس میں زبردست آگ بھڑک اٹھی۔ مقامی لوگوں نے بتایا کہ حادثے کے وقت تقریباً 40 مسافر موجود تھے۔ آگ لگنے سے مسافروں میں خوف و ہراس پھیل گیا جب کہ اس حادثے میں کوئی بھی جانی نقصان نہیں ہوا ہے۔ مسافروں کے مطابق یہ آگ بس میں ٹیکنیکل خرابی کی وجہ سے لگی۔