Glider crashes دھنباد ہوائی اڈے پر گلائیڈر گر کر تباہ، دو شدید زخمی

جھارکھنڈ ہوائی اڈے سے ہوائی دورے کے لیے لے جایا گیا گلائیڈر آج ضلع کے بارواڈا تھانہ علاقے میں گر کر تباہ ہو گیا۔ جس میں 2 افراد شدید زخمی ہوئے، دونوں اشرفی اسپتال میں زیر علاج ہیں۔

 کوئلانچل علاقہ میں شہر کا فضائی دورہ کرنے کے مقصد سے شروع کیا گیا منصوبہ جمعرات کی سہ پہر کو اس وقت ناکام ہوگیا جب ایک گلائیڈر بارواڈا فضائی پٹی سے ٹیک آف کرنے کے بعد شہر کے اوپر اڑ رہا تھا۔ اس دوران گلائیڈر میں فنی خرابی کے باعث یہ بے قابو ہو کر برسا منڈا پارک کے قریب ایک مکان پر جا گرا۔جس کی وجہ سے گلائیڈر بری طرح تباہ ہو گیا ہے۔ اس پر سوار دو افراد شدید زخمی بتائے جاتے ہیں۔ جنہیں فوری طور پر مقامی لوگوں کی مدد سے قریبی نجی اسپتال میں داخل کرایا گیا ہے۔ جہاں اس کی حالت تشویشناک ہے۔ واقعہ کے بعد مقامی لوگوں کی بڑی بھیڑ موقع پر جمع ہوگئی۔ پولیس اس پر قابو پانے کی کوشش کر رہی ہے۔