امراوتی کے پاس ایک بس میں آتشزدگی

ریاست مہاراشٹر کے ضلع امراوتی میں امراوتی ناگپور ہائی وے پر پمپل ویہیر کے قریب ایک بس میں اچانک آگ لگ گئی۔ اس بس میں 35 مسافر سوار تھے جو بحفاظت باہر نکل گئے اور ایک بڑا حادثہ ہونے سے ٹل گیا۔ امراوتی میونسپل کارپوریشن کی فائر بریگیڈ ٹیم موقع پر پہنچی اور آگ پر قابو پایا۔ پمپل ویہیر گاؤں کے پاس بس ڈرائیور کو انجن سے کچھ شور سنائی دیا۔ جس کے بعد ڈرائیور نے بس کو ایک جگہ روکا اور تمام مسافروں کو بس سے اترنے کو کہا۔ جیسے ہی بس میں سوار تمام مسافر بس سے اترے ویسے ہی بس میں آگ لگ گئی۔