Anupam Kher reacts to IFFI Jury remark: کشمیر فائلز کو فحش فلم قرار دیے جانے پر انوپم کھیر کا ردعمل - اسرائیلی فلمساز کے تبصرہ پر انوپم کھیر کا جواب

دی کشمیر فائلز کے اداکار انوپم کھیر نے منگل کے روز کہا کہ انٹرنیشنل فلم فیسٹیول آف انڈیا کی جیوری کے سربراہ نادو لیپڈ کی جانب سے فیسٹیول کی اختتامی تقریب میں فلم کو پروپیگنڈہ اور بے ہودہ قرار دینا شرمناک ہے۔ کھیر نے کہا کہ اس طرح کا بیان دے کر لیپڈ نے ان لوگوں کو بھی دکھ پہنچایا ہے جو اس سانحہ کا شکار ہوئے ہیں۔ اس سال کے شروع میں ریلیز ہونے والی کشمیر فائلز کو انٹرنیشنل فلم فیسٹیول آف انڈیا 2022 میں پینوراما سیگمنٹ کی فہرست میں شامل کیا گیا تھا۔ یہ فلم سنہ 1990 کے دوران کشمیری پنڈتوں کے ساتھ ہونے والی مبینہ زیادتیوں پر مبنی ہے۔