Good Friday 2023 کیوں منایا جاتا ہے گڈ فرائیڈے

سات اپریل یعنی آج دنیا بھر میں گڈ فرائیڈے منایا جارہا ہے، گڈ فرائیڈے کے موقع پر عیسائیت کے پیروکار چرچ جاتے ہیں اور عیسیٰ مسیح کو یاد کرتے ہیں۔ آج ہی کے دن عیسیٰ مسیح کو سولی پر چڑایا گیا تھا۔ Good Friday 2023

حیدرآباد: اپریل ماہ کے پہلے جمعہ کو ہر سال گڈ فرائیڈے منایا جاتا ہے اور آج یعنی 7 اپریل کو گڈ فرائیڈے منایا جارہا ہے۔ اس دن کو پنیہ شکروار بھی کہا جاتا ہے۔ آج کا دن عیسائیوں کے لیے بہت خاص سمجھا جاتا ہے۔ گڈ فرائیڈے کے موقع پر عیسائیت کے پیروکار چرچ جاتے ہیں اور عیسیٰ کو یاد کرتے ہیں۔ تاہم کچھ لوگ گڈ فرائیڈے کے موقع پر عیسائی برادری کے لوگوں کو ہیپی گڈ فرائیڈے کہہ کر نیک خواہشات کا اظہار کرتے ہیں۔ جو ان کے مذہب کے مطابق بلکل درست نہیں ہے۔ کیونکہ عیسائی برادری کے لوگ اس دن کو 'یوم سوگ' کے طور پر مناتے ہیں۔ ان کا ماننا ہے کہ یہی وہ دن تھا جب عیسیٰ مسیح کو تمام جسمانی اذیتیں دینے کے بعد سولی پر چڑھایا گیا۔

عیسیٰ مسیح نے ہنستے ہوئے انسانوں کی بھلائی کے لیے اپنی جان کو قربان کردیا، اس لیے عیسائی برادری کے لوگ اپریل ماہ کے پہلے جمعہ کو 'گڈ فرائیڈے' کے طور پر مناتے ہیں۔ اس دن کو عیسائی برادری میں یوم قربانی کے نام سے بھی جانا جاتا ہے۔

عیسیٰ مسیح نے لوگوں کو انسانیت کا پیغام دیا

کہا جاتا ہے کہ 2000 سال قبل یروشلم کے گلیلی صوبے میں عیسیٰ مسیح لوگوں کو انسانیت، اتحاد اور عدم تشدد کا درس دے رہے تھے۔ عیسیٰ کی تعلیم سے متاثر ہو کر وہاں کے لوگ انہیں خدا کا درجہ دینے لگے، جس کی وجہ سے وہاں کے مذہبی رہنما ناراض ہوگئے۔

عیسیٰ مسیح کو سولی پر چڑھایا گیا تھا

یہودیوں میں عیسیٰ مسیح کی بڑھتی ہوئی مقبولیت نے وہاں کے منافق مذہبی رہنماؤں کو مشتعل کرنا شروع کر دیا۔ اس کے بعد انہوں نے عیسیٰ کے بارے میں روم کے حکمران پیلاطس سے شکایت کی۔ اس نے پیلاطس کو بتایا کہ یہ نوجوان اپنے آپ کو خدا کا بیٹا کہتا ہے، اور کہتا ہے کہ اس عالم کا بادشاہ خدا ہے۔ شکایت موصول ہونے کے بعد عیسیٰ پر توہین مذہب کے ساتھ ملک سے غداری کا الزام لگاکر سزائے موت کا حکم جاری کیا گیا۔ بائبل کے مطابق جس جگہ پر عیسیٰ کو سولی پر چڑھایا کیا گیا تھا اس کا نام گول گوتھا ہے۔