Diabetes patients Increase in India: ناقص طرز زندگی ذیابیطس کے خطرے کو بڑھا سکتا ہے

ذیابیطس ایک سنگین بیماری ہے۔ اس پر قابو پانے کے لیے مریض کو اپنی خوراک کا خاص خیال رکھنا پڑتا ہے۔ اگر آپ نہیں چاہتے کہ مستقبل میں آپ کو یہ بیماری لاحق ہو تو اس سے بچنے کے لیے آپ کو اپنی زندگی اور خوراک میں کچھ تبدیلیاں کرنی ہوں گی۔ Diabetes patients Increase in India

حیدرآباد: ملک میں ذیابیطس کے مریضوں کی تعداد میں مسلسل اضافہ ہو رہا ہے۔ ذیابیطس میں جسم مناسب مقدار میں انسولین نہیں بنا پاتا یا پھر جس مقدار میں انسولین بنتا ہے، جسم اس کا صحیح استعمال نہیں کر پاتا۔ اس کی وجہ سے خون میں شوگر کی مقدار بڑھنے لگتی ہے۔ انسولین ایک ہارمون ہے جو خوراک سے شوگر کو جسم کے خلیوں تک پہنچاتا ہے۔ انسولین کی ناکافی پیداوار کی وجہ سے شوگر خون میں رہ جاتی ہے جس کی وجہ سے ذیابیطس کا خطرہ بڑھ جاتا ہے۔

خراب طرز زندگی، خوراک، جسمانی سرگرمی کی کمی کی وجہ سے آج کے دور میں زیادہ تر لوگ ذیابیطس ٹائپ ٹو کے شکار ہو رہے ہیں۔ یہاں ہم آپ کو اس سے بچنے کے چند طریقے بتا رہے ہیں، جنہیں اگر آپ اپنا لیں تو اس بیماری کے خطرے کو کافی حد تک کم کر سکتے ہیں۔

چینی اور ریفائنڈ کے استعمال سے پرہیز کریں

چینی اور کاربوہائیڈریٹس سے بھرپور چیزیں خون میں شوگر کی مقدار کو بڑھاتی ہیں۔ جب بھی آپ چینی اور اس سے بنی اشیا کو خوراک میں شامل کعتے ہیں تو آپ کے خون میں شوگر کی سطح بڑھ جاتی ہے۔ یہ صورت حال بعد میں آپ کے ذیابیطس ہونے کے امکانات کو بڑھا دیتی ہے۔ اگر آپ اس بیماری سے بچنا چاہتے ہیں تو آج ہی سے اپنی خوراک میں چینی سے بنی غذائیں جیسے سفید روٹی، آلو، کاربوہائیڈریٹ سے بھرپور میدہ کو خوراک میں محدود کریں۔

فائبر سے بھرپور غذا کو خوراک میں شامل کریں

ہائی فائبر والا کھانا آپ کے آنتوں کی صحت کے لیے اچھا ہوتا ہے۔ وزن کے ساتھ ساتھ یہ ذیابیطس کے خطرے کو بھی کم کرتا ہے۔ فائبر کی دو قسمیں ہیں۔ ان میں ایک سالیوبل اور ایک غیر ان سالیوبل، سالیوبل فائبر پانی کو جذب کرتا ہے۔ یہ بلڈ شوگر اور کولیسٹرول کو بھی کنٹرول کرنے میں مدد کرتا ہے۔ امریکی صحت کے ادارے سینٹر فار ڈیزیز کنٹرول اینڈ پریوینشن (سی ڈی سی) کے مطابق سیب، کیلے، جئی، مٹر، کالی پھلیاں اور ایوکاڈو جیسی غذاؤں میں سالیوبل فائبر پایا جاتا ہے۔

جسمانی طور پر فعال رہیں

باقاعدگی سے ورزش کریں اور کسی نہ کسی طریقے سے جسمانی طور پر متحرک رہیں۔ یہ ہر قسم کی بیماریوں سے بچنے کا بہترین طریقہ ہے۔ اس کے لیے آپ کو زیادہ ورزش کرنے یا جم جانے کی ضرورت نہیں ہے۔ بلکہ آپ صبح و شام چہل قدمی یا ٹریڈمل پر واک کرکے خود کو فٹ رکھ سکتے ہیں۔ سست طرز زندگی نہ اپنائیں اور اپنے گھر میں کام کرتے رہیں، اس سے آپ کو متحرک رہنے میں مدد ملے گی۔

نرم اور میٹھے مشروبات کی بجائے پانی پیئے

کوئی بھی مشروب پانی کا متبادل نہیں ہو سکتا اور نہ ہی یہ ہی بہت فائدہ مند ہوسکتا ہے جو آپ کو پانی سے حاصل ہوتے ہیں۔ جب ذیابیطس اور بلڈ شوگر کو کنٹرول میں رکھنے کی بات آتی ہے تو آپ کو اپنی روزمرہ کی زندگی میں پانی کی مقدار میں اضافہ کرنا ہوگا۔ کولڈ ڈرنکس اور دیگر شوگر والے مشروبات سے دور رہیں اور پانی کی مقدار میں اضافہ کریں۔ اس سے آپ کا معدہ زیادہ دیر تک بھرا رہے گا جس سے وزن کنٹرول میں رہے گا۔

پورشن کنٹرول کرنا ضروری ہے

اگر آپ ذیابیطس جیسی دائمی بیماری کے خطرے کو کم کرنا چاہتے ہیں تو وزن کو کنٹرول میں رکھنا ضروری ہوتا ہے۔ اگر آپ اپنا وزن کنٹرول کرنا چاہتے ہیں تو آج سے ہی آپ اپنی خوراک میں مزید تبدیلی شروع کردیں۔ پورشن کنٹرول کا مطلب ہے کہ آپ اپنے خوراک کو محدود کردیں۔ کئی بار پلیٹ بھری ہونے کی وجہ سے لوگ بھوک سے زیادہ کھانا کھاتے ہیں۔ اس لیے آپ کو پلیٹ میں کم کھانا پیش کرنے کی عادت اپنانی چاہئے۔