Lohri Festival is Celebrated in India: لوہڑی کے موقع پر کھائے جانے والی روایتی غذا

بھارت کے مختلف حصوں میں لوہڑی کا تہوار بڑے دھوم دھام سے منایا جاتا ہے، اس موقع پر کئی طرح کے روایتی پکوان بنائے جاتے ہیں۔ جو لوگ بڑے شوق سے کھانا پسند کرتے ہیں۔ اس مضمون میں کچھ ایسے ہی پکوان کے نام مندرجہ ذیل ہیں۔

حیدرآباد: لوہڑی کا تہوار بھارت کا ایک مشہور تہوار ہے جو پورے ملک میں منایا جاتا ہے۔ خاص طور سے اس تہوار کو پنجاب، ہریانہ اور جموں و کشمیر کے لوگ بڑی ہی دھوم دھام سے مناتے ہیں۔ اس موقع پر مختلف روایتی پکوان بھی بنائے جاتے ہیں۔ اس سال لوہڑی 14 جنوری کو منائی جا رہی ہے۔ لوہڑی کا تہوار مکر سنکرانتی سے ایک دن پہلے منایا جاتا ہے۔ لیکن رواں برس دونوں کے ایک ہی دن منائے جانے کی اطلاع موصول ہورہی ہے۔ لوہڑی کا تہوار سکھوں اور پنجابیوں کے بڑے تہواروں میں سے ایک ہے۔ دراصل لوہڑی کا تہوار بنیادی طور پر نئی فصل کی آمد کی خوشی میں منایا جاتا ہے۔ تو آج ہم لوہڑی کے موقع پر بنائے جانے والے پکوان کے بارے میں اس مضمون کے ذریعے جانیں گے۔ جو مندرجہ ذیل ہے۔

گڑ کی کھیر

لوہڑی پر زیادہ تر گڑ سے بنی پکوان کھائی جاتی ہیں۔ لہٰذا اگر آپ لوہڑی پر مٹھائیاں بنانا چاہتے ہیں تو چینی کے بجائے گڑ کا استعمال کریں جو ذائقے کے ساتھ ساتھ صحت کے لیے بھی فائدہ مند ہوگا۔

تل کی ٹکی

تل صحت کے لیے مفید ہوتا ہے۔ لوہڑی پر بعض لوگ تلکت بھی بناتے ہیں۔ اس موقع پر تل کے لڈو کا بھی خون چلن ہے۔ لیکن اگر آپ تل کے کچھ نمکین اسنیکس بنانا چاہتے ہیں تو آپ آسانی سے گھر پر تل کی ٹکی تیار کر سکتے ہیں۔ جس کا مزی آپ ہری چٹنی کے ساتھ لے سکتے ہیں۔

مونگ پھلی کی چکی

لوہڑی پر گڑ اور مونگ پھلی کی چکی بھی کھائی جاتی ہے۔ اسے صرف مونگ پھلی، گڑ اور گھی سے تیار کیا جاتا ہے اور اسے کئی دنوں تک رکھ کرکے کھایا جا سکتا ہے۔

دال چاول کی کھچڑی

لوہڑی کا تہوار نئی فصل کی کٹائی اور بوائی سے وابستہ ہے۔ اس لیے اس تہوار پر چاول کا دلیہ کھایا جاتا ہے۔ مونگ کی دال، چنے کی دال یا اُرد کی دال کی کھچڑی بنائی جاتی ہے۔ اس کے علاوہ مکر سنکرانتی یا پونگل پر بھی دال چاول کی کھچڑی بنائی جاتی ہے۔

مکئی کی روٹی اور ساگ

لوہڑی کے موقع پر سرسوں کا ساگ اور مکئی کی روٹی خاص طور پر بنائی جاتی ہے اس غذا کو بعض لوگ بڑے شوق سے کھاتے ہیں۔

لوہڑی پر کھانے کے لیے سپر فوڈز

چکی

تل، گڑ اور مونگ پھلی کو ملا کر چکی بنائی جاتی ہے۔ اس میں اینٹی آکسیڈنٹس اور فائٹوفینولز پائے جاتے ہیں جو دماغی نشوونما کے لیے فائدہ مند ہوتے ہیں۔ اسے کھانے سے الزائمر جیسی بیماریاں نہیں ہوتیں ہیں۔ اس سے ہضمی نظام بھی مضبوط رہتا ہے۔

تل کی لڈو

تل میں بہت سے غذائی اجزاء پائے جاتے ہیں جیسے کاپر، مینگنیج، کیلشیم، فاسفورس، میگنیشیم، آئرن، زنک، مولیبڈینم، وٹامن بی ون، سیلینیم اور فائبر۔ یہ تمام غذائی اجزاء سردیوں کے موسم میں جسم کو توانائی فراہم کرنے کا کام کرتے ہیں۔ روزانہ ایک تل کا لڈو کھانے سے ہڈیاں مضبوط ہوتی ہیں۔ اس کے ساتھ دل کی بیماری اور کینسر کا خطرہ بھی کم ہوجاتا ہے۔

مونگ پھلی

موسم سرما میں مونگ پھلی کی اہمیت بڑھ جاتی ہے۔ اس سے جسم گرم رہتا ہے۔ اس میں آئرن، کیلشیم، زنک، وٹامن ای اور وٹامن بی 6 جیسے بہت سے غذائی اجزاء پائے جاتے ہیں، جو جسم کو کئی بیماریوں سے محفوظ رکھتے ہیں۔

پاپکان

لوہڑی کے تہوار پر پاپ کان کو ایک بہتر ناشتہ سمجھا جاتا ہے۔ پاپ کان میں ایسے بہت سے غذائی اجزاء پائے جاتے ہیں جو ہاضمے کو مضبوط بنانے، کولیسٹرول کو کنٹرول کرنے اور وزن کم کرنے میں مدد کرتے ہیں۔

ریواڑی اور گجک

لوہڑی کے تہوار پر ریوڑی اور گجک کھانے کی خاص اہمیت ہے۔ اس دن کھانے کے ساتھ ساتھ لوگ ریوڑی اور گجک کو بھی آگ میں ڈالتے ہیں۔