Swine Flu Case in MP: شیو پوری میں خنزیروں میں سوائن فلو کا معاملہ

سوائن فلو سے خنزیروں کے مرنے کا معاملہ مسلسل سامنے آرہا ہے، تمل ناڈو کے بعد اب مدھیہ پردیش کے شیو پوری شہر میں سوئروں میں سوائن فلو کا معاملہ سامنے آیا ہے جس کی تصدیق ویٹرنری ڈپارٹمنٹ میں تعینات ڈپٹی ڈائریکٹر ڈاکٹر ایم سی تموری نے کی ہے۔

شیو پوری: بھارت میں کورونا وبا کے کیسز میں مسلسل ہورہے اضافے کے درمیان اب جانوروں میں سوائن فلو کا خدشہ ظاہر کیا جارہا ہے۔ مدھیہ پردیش کے شیو پوری شہر میں سوئروں میں سوائن فلو کا معاملہ سامنے آیا ہے، ویٹرنری ڈپارٹمنٹ میں تعینات ڈپٹی ڈائریکٹر ڈاکٹر ایم سی تموری نے اس معاملے کی تصدیق کرتے ہوئے بتایا کہ شہر میں کچھ خنزیروں میں سوائن فلو کے رپورٹس مثبت آئے ہیں۔ جس کے بارے میں ضلع انتظامیہ کو اطلاع دے دی گئی ہے۔ حکومت کی ہدایات کے مطابق اگلا قدم اٹھایا جائے گا۔ انسانوں میں بھی سوائن فلو پھیلنے کا خطرہ ہے، اس لیے احتیاطی تدابیر اختیار کی جانی چاہئیں۔ Swine flu case in pigs Shivpuri

وہیں گزشتہ روز تمل ناڈو کے جنگل میں 21 جنگلی سور مردہ پائے گئے تھے۔ بڑی تعداد میں جنگلی سوئروں کے مرنے کے بعد محکمہ جنگلات نے اندرونی جنگلاتی علاقوں میں مرے ہوئے سوئروں کی لاشوں کی تلاشی کے لیے (اے پی ڈبلیو) کو تعینات کیا ہے۔ ایم ٹی آر کے عہدیداروں نے منگل کو میڈیا کے نمائندوں سے بتایا کہ پانچ جنگلی سوئر آج مردہ پائے گئے ہیں اور اس کی وجہ افریقن سوائن فلو (اے ایس ایف) کا خدشہ ظاہر کیا جارہا ہے۔ Swine flu case in pigs Shivpuri

محکمہ جنگلات کے افسران کے مطابق گزشتہ ایک ہفتے کے اندر ایم ٹی آر کے علاقے سے کم از کم 21 جنگلی سوئر مردہ پائے گئے ہیں جس کے بعد سے تمل ناڈو ویٹرنری اینڈ اینیمل سائنسز یونیورسٹی (TANUVAS) اور انڈین ویٹرنری ریسرچ انسٹی ٹیوٹ (IVRI) متحرک ہوگئی ہے اور اس بیماری پر مطالعہ کررہی ہے کہ جنگلی سوئروں کی موت کی وجہ کیا ہے۔ فی الحال لاشوں کو جلا دیا گیا ہے تاکہ علاقے میں مقیم دوسرے جنگلی سوئروں میں اس کا وائرس مزید پھیلنے سے روکا جا سکے۔ Swine flu case in pigs Shivpuri