Sisodia Inspected LNJP Hospital سسودیا نے ایل این جے پی اسپتال کا جائزہ لیا

کورونا کے پیش نظر منیش سسودیا نے منگل کے روز لوک نائک جئے پرکاش اسپتال میں تیاریوں کا جائزہ لیا اور بعد ازاں کہا کہ دہلی کے ہسپتال کسی حالات سے نمٹنے کے لیے تیار ہے۔ corona cases Increase in Delhi

نئی دہلی: دہلی کے نائب وزیر اعلیٰ منیش سسودیا نے منگل کو منعقدہ ایک موک ڈرل کے دوران محکمہ صحت کے سینئر عہدیداروں کے ساتھ کووِڈ وباء سے نمٹنے کے لیے لوک نائک جئے پرکاش اسپتال میں تیاریوں کا جائزہ لیا۔ انہوں نے ہسپتال میں جنرل وارڈ اور آئی سی یو بیڈز کا بھی معائنہ کیا، اس کے علاوہ طبی آکسیجن کی دستیابی، ڈاکٹروں اور دیگر میڈیکل سٹاف کی ضروری تربیت کے حوالے سے جانکاری حاصل کی اور ہسپتال انتظامیہ کو کسی بھی حالات سے نمٹنے کے لیے تیار رہنے کو کہا۔ Sisodia reviews preparedness against COVID at LNJP Hospital

ایل این جے پی اسپتال میں کل 2000 بستروں میں سے 450 بستر کووڈ مریضوں کے لیے مختص کیے گئے ہیں۔ پچھلی لہروں کے دوران، اس اسپتال میں 25,000 سے زیادہ کوویڈ سے متاثرہ افراد کا علاج کیا گیا تھا۔ سسودیا نے کہا، "دہلی کے سرکاری اسپتال کسی بھی واقعے سے نمٹنے کے لیے پوری طرح سے تیار ہیں۔ لوک نائک جئے پرکاش اسپتال میں کل 2000 بستر ہیں، جن میں سے 450 بستر کووڈ کے مریضوں کے لیے مختص کیے گئے ہیں۔ اگر ضرورت پڑی تو ہم مزید کووڈ بستروں میں اضافہ کریں گے۔" تعداد کو بڑھا کر 1000 سے زائد کر دیں گے۔ ہمیں اس بات کو یقینی بنایا ہے کہ یہاں بستروں کی کوئی کمی نہ ہو۔" Sisodia reviews preparedness against COVID at LNJP Hospital

انہوں نے یہ بھی بتایا کہ ہسپتال میں میڈیکل آکسیجن کی دستیابی پچھلی بار کے مقابلے میں کئی گنا بڑھ گئی ہے۔ ہسپتال میں 5 پی ایس اے پلانٹس بھی لگائے گئے ہیں۔ ہسپتال کی تیاری اس سطح پر کی گئی ہے کہ مریض کے پہنچنے کے 5 منٹ کے اندر اسے ہسپتال میں مقررہ جگہ پر لے جایا جائے گا جہاں اسے علاج کی ضرورت ہے اور ضروری کارروائی فوری طور پر شروع کر دی جائے گی۔

دہلی حکومت کی تیاریوں کے بارے میں سسودیا نے کہا کہ اس وقت سرکاری اسپتالوں میں 8,200 کووڈ بیڈ تیار ہیں اور اگر ضرورت پڑی تو بستروں کی گنجائش 25,000 سے بڑھا کر 36,000 کردی جائے گی۔ اس کے علاوہ، دہلی حکومت کے پاس 6000 سے زیادہ آکسیجن سلنڈر، آکسیجن کی نقل و حمل کے لیے آکسیجن ٹینکرز اور 928 میٹرک ٹن میڈیکل آکسیجن ذخیرہ کرنے کی گنجائش ہے۔ Sisodia reviews preparedness against COVID at LNJP Hospital