Jan Aushadhi Diwas جنرک ادویات کے حوالے سے لوگوں میں بیداری کی ضرورت

جنرک ادویات کے حوالے سے لوگوں میں بیداری پھیلانا ضروری ہے کیوںکہ بہت سے لوگ مہنگی ادویات کی وجہ سے دوا کا کورس مکمل نہیں کر پاتے اور ان کی بیماری سنگین ہوجاتی ہے۔

حیدرآباد: ہر سال جن اوشدھی دیوس مارچ کے پہلے ہفتے میں منایا جاتا ہے جس کا مقصد ملک میں جنرک ادویات کے پھیلاؤ اور اس کے بارے میں بیداری پیدا کرنا ہے، اس سال بھی ہر سال کی طرح ملک بھر میں 7 مارچ کو جن اوشدھی دیوس منایا گیا۔

جنرک ادویات کے حوالے سے لوگوں میں بیداری پھیلانا ضروری ہے

بیماریاں ہر طبقے کے لوگوں کو پریشان کرتی ہیں۔ لیکن بیماریوں کے علاج کے لیے ادویات لینا کئی بار غربت کی سطح سے نیچے زندگی گزار رہے لوگوں اور یہاں تک کہ متوسط ​​طبقے کے لوگوں کے لیے بھی پریشانی کا باعث بن جاتی ہے۔ کیونکہ بعض اوقات کچھ ادویات بہت مہنگی ہوتی ہیں۔ جس کی وجہ سے بہت سے لوگ ڈاکٹر کے جانب سے لکھے گئے ادویات کا کورس مکمل نہیں کر پاتے۔ انہیں باتوں کا خیال رکھتے ہوئے حکومت ہند جنرک ادویات کی شروعات کی اور اس کو پھیلانے کے لیے مسلسل کوشش کر رہی ہے تاکہ ادویات کی قیمت کسی بھی شخص کے علاج میں رکاوٹ نہ بنے اور جہاں تک ممکن ہو ضروری ادویات ہر شخص کو دستیاب ہوں۔ اس حوالے سے ملک میں کئی جن اوشدھی مراکز بھی چلائے جا رہے ہیں۔ جہاں سے جنرک ادویات خریدی جا سکتی ہیں۔ لیکن تشویش کی بات یہ ہے کہ تمام تر کوششوں کے باوجود آج بھی لوگوں کی ایک بڑی تعداد جنرک ادویات سے محروم ہے۔ اس کے ساتھ ہی جنرک ادویات کے حوالے سے لوگوں میں کئی طرح کے کنفیوژن بھی دیکھی جارہی ہے۔

کیا ہیں جنرج ادویات؟

جنرک ادویات دراصل بغیر کسی برانڈ نام کے ادویات ہوتی ہیں۔ اس ادویات کی قیمت بہت کم ہوتی ہے، لیکن یہ مقبول برانڈز کی مہنگی ادویات کی طرح محفوظ اور فائدہ مند ہوتی ہے۔

تاریخ

غریب ضرورت مند لوگوں تک کم قیمت میں جنرک ادویات دستیاب کرانے کے مقصد سے 2008 میں کیمیکل اور کھاد کی وزارت نے پردھان منتری بھارتیہ جن اوشدھی پریوجنا (PMBJP) کی شروعات کی تھی، جس کے تحت ملک کے کئی حصوں میں جن اوشدھی مراکز قائم کئے گئے، لیکن یہ دن پہلی بار 7 مارچ 2019 کو منایا گیا، جب وزیر اعظم نریندر مودی نے اعلان کیا کہ اس دن کو "جن اوشدھی دیوس" کے طور پر منایا جائے گا۔ قابل ذکر ہے کہ اس وقت ملک کے 9000 سے زیادہ جن اوشدھی مراکز پر 50% سے 90% سستی ادویات دستیاب ہیں۔ لیکن کم قیمت کا مطلب یہ نہیں کہ ان ادویات کا معیار درست نہیں ہے۔ یہ ادویات مہنگی ادویات کی طرح کارآمد ہیں۔ اور یہی وجہ ہے کہ ہر روز تقریباً 12 لاکھ لوگ جن اوشدھی مراکز سے ادویات خریدتے ہیں۔

جن اوشدھی مراکز کی تعداد اور جنرک ادویات کی دستیابی کے بارے میں بات کریں تو 31 جنوری 2023 تک ملک کے 764 اضلاع میں سے 743 اضلاع میں 9082 جن اوشدھی مراکز قائن کئے جاچکے ہیں۔ جس میں تقریباً 1759 ادویات اور 280 سرجیکل آلات انتہائی سستی قیمتوں پر دستیاب ہیں۔ ان مراکز میں ادویات اور سرجیکل آلات کے ساتھ پروٹین پاؤڈر، مالٹ پر مبنی فوڈ سپلیمنٹس، پروٹین بار، امیونٹی بار، سینیٹائزر، ماسک، گلوکوومیٹر، آکسی میٹر وغیرہ اور نیوٹراسیوٹیکل مصنوعات بھی دستیاب ہیں۔ اس کے علاوہ حکومت ہند نے سال 2023 کے آخر تک 10,000 جن اوشدھی مراکز کھولنے کا ہدف مقرر کیا ہے۔

مقصد

دراصل، مارکیٹ میں دستیاب معروف کمپنیوں کی ادویات عموماً بہت مہنگی ہوتی ہیں۔ اور زیدہ مقبول ہونے کی وجہ سے تمام میڈیکل سٹورز پر آسانی سے مل جاتی ہے، اس لیے ڈاکٹرز بھی مریض کو وہی ادویات لکھتے ہیں۔ جبکہ جنرک ادویات جن اوشدھی مراکز پر ملتی ہے۔ کم قیمت اور کچھ دوسری وجوہات کی وجہ سے عام طور پر لوگوں کے ذہن میں یہ سوالات ہوتے ہیں کہ کیا یہ ادویات درست ہیں اور کیا یہ مہنگی ادویات کی طرح کارآمد ہیں؟

جن اوشدھی دیوس

جن اوشدھی دیوس سے پہلے مارچ کے آغاز سے ہی سرکاری اور غیر سرکاری تنظیموں کی جانب سے جنرک ادویات کو لیکر لوگوں میں مسلسل بیداری مہم چلائی جاتی ہے۔ جس میں ڈاکٹر، ماہرین صحت، جنرک ادویات استعمال کرنے والے لوگ، جن اوشدھی سینٹر سے وابستہ لوگ، بچے اور عام لوگ اس مہم میں شامل ہوتے ہیں۔ اس موقع پر فارماسیوٹیکلز اینڈ میڈیکل ڈیوائسز بیورو آف انڈیا (پی ایم بی آئی) کی جانب سے تعلیمی اداروں اور غیر سرکاری اداروں میں سیمینار، پروگرام، ہیریٹیج واک، ہیلتھ کیمپ اور دیگر کئی سرگرمیاں انجام دی جاتی ہے۔