رانچی: جھارکھنڈ کے سرکاری اسپتالوں کے ڈاکٹر ڈیوٹی اوقات کے بعد پرائیویٹ پریکٹس کی آزادی کا مطالبہ کرتے ہوئے ایک بار پھر سے احتجاج کے راستے پر ہیں۔ حالانکہ ریاستی حکومت کی جانب سے بنائے گئے قوانین کے مطابق ڈاکٹر اپنی ڈیوٹی کے بعد زیادہ سے زیادہ چار ایسے اسپتالوں میں ڈیوٹی کر سکتے ہیں جو آیوشمان بھارت اسکیم کے تحت کام کررہے ہیں۔ حکومت کی یہ شرط ڈاکٹروں کی تنظیم جھارکھنڈ اسٹیٹ ہیلتھ سروس ایسوسی ایشن کو قبول نہیں ہے۔ ایسوسی ایشن نے خبردار کیا ہے کہ اگر یہ شرط واپس نہ لی گئی تو تمام ڈاکٹرز غیر معینہ مدت کے لیے ہڑتال پر جائیں گے۔ ضرورت پڑی تو اجتماعی استعفیٰ بھی دیں گے۔ ڈاکٹروں نے فیصلہ کیا ہے کہ 21 اکتوبر سے بائیومیٹرک حاضری نہیں لگائیں گے۔ Jharkhand government doctors want freedom of private practice
ڈاکٹروں کا کہنا ہے کہ حکومت انہیں نان پریکٹسنگ الاؤنس (این پی اے) نہیں دیتی، اس لیے پرائیویٹ پریکٹس پر پابندی نہیں لگائی جا سکتی۔ ایسوسی ایشن نے حکومت سے کہا ہے کہ وہ 15 دن کے اندر اس معاملے پر فیصلہ کرے گا۔ قابل ذکر ہے کہ اس سے قبل اگست میں وزیر صحت بنا گپتا کی صدارت میں آئی ایم اے اور جھاسا کے وفد کے ساتھ منعقد میٹنگ میں یہ فیصلہ کیا گیا تھا کہ سرکاری ڈاکٹر کچھ شرائط کے ساتھ اپنی ڈیوٹی کے بعد پرائیویٹ پریکٹس کر سکتے ہیں۔ اب ڈاکٹر ان شرائط کی مخالفت کر رہے ہیں۔ Jharkhand government doctors want freedom of private practice