حیدرآباد: ہر عورت کی اپنی زندگی میں ماں بننے کی خواہش ایک بار ضرور ہوتی ہے۔ لیکن کئی بار خواتین کو حمل کے دوران دیگر مسائل کا سامنا کرنا پڑتا ہے۔ تاہم حاملہ ہونے میں کئی چیزیں اہم کردار ادا کرتی ہیں، جن میں سے پہلا ایگز کی بہتر معیار ہے۔ خواتین میں جب ایگز کی کوالٹی اچھی ہو تو وہ آسانی سے حاملہ ہو سکتی ہیں، لیکن جب ایگز کی کوالٹی اچھی نہ ہو تو حاملہ ہونے میں کئی مسائل کا سامنا کرنا پڑتا ہے۔ ایسی بہت سی چیزیں ہیں جو ایگز کی کوالٹی کو متاثر کرتی ہیں اور خواتین کو ماں بننے کا خواب کبھی پورا نہیں ہونے دیتی۔ ہم آپ کو کچھ ایسی ہی چیزوں کے بارے میں بتانے جارہے ہیں جو خواتین میں ایگز کی کوالٹی کو بری طرح سے متاثر کرتی ہے، جس کی وجہ بعض خواتین کو ماں بننے میں کئی مشکلات کا سامنا کرنا پڑتا ہے۔
خواتین میں ایگز کی کوالٹی پر برا اثر ڈالتی ہیں یہ چیزیں
ماحولیات: ہوا میں موجود کیمیکل نہ صرف ہماری صحت کے لیے نقصان دہ ہے بلکہ یہ خواتین میں ایگز کے معیار کو بھی ہری طرح سے متاثر کرتی ہے۔ آلودگی اور فیکٹریوں سے نکلنے والے نقصان دہ کیمیکلز سیمن کے میعار پر بھی برا اثر ڈالتا ہے۔ لہذا خواتین اگر ماں بننا چاہتی ہیں تو ان کے لیے یہ ضروری ہے کہ وہ ان خطرناک کیمیکلز سے خود کو محفوظ رکھیں۔
تناؤ: تناؤ آپ کی ایکز کے معیار پر برا اثر ڈالتا ہے۔ کئی مطالعات میں یہ بات سامنے آئی ہے کہ زیادہ تناؤ میں رہنے والے خواتین میں حمل کے امکانات کم ہو جاتے ہیں۔ بہت زیادہ اسٹریس لینے کی وجہ سے ہمارے جسم میں موجود کورٹیسول نام کا اسٹریس ہارمون ریلیز ہوتا ہے۔ خواتین میں یہ تناؤ کا ہارمون دماغ اور اووریز کے درمیان سگنل میں خلل ڈالتا ہے، جس کی وجہ سے خواتین کو حاملہ ہونے میں دشواریوں کا سامنا کرنا پڑتا ہے۔
عمر: بڑھتی عمر کے ساتھ ساتھ فرٹیلیٹی کم ہونے لگتی ہے۔ عمر بڑھنے پر آزاد آکسیجن ریڈیکلز ہمارے جسم میں جمع ہونے لگتے ہیں۔ تاہم اینٹی آکسیڈنٹ لے کر، صحت بخش خوراک پر عمل اور روزانہ ورزش کرکے ان فری آکسیجن ریڈیکلز کے اثرات کو کم کیا جا سکتا ہے۔